ڈیووس۔ 22 جنوری(اے پی پی) وفاقی وزیر خزانہ سینیٹر محمد اورنگزیب ڈیووس اچ ورلڈ اکنامک فورم دے سالانہ اجلاس دے موقع تے بل گیٹس نال ملاقات کیتی۔ ملاقات اچ پاکستان اچ جاری اصلاحاتی عمل، صحت دے شعبے دی ترجیحات اتے پائیدار ترقی کیتے گیٹس فاؤنڈیشن نال تعاون کوں مزید مضبوط بݨاوݨ تے ڳالھ مہاڑ تھئی۔ وزیر خزانہ پولیو دے خاتمے کیتے فاؤنڈیشن دے اہم کردار تے انھاں دا شکریہ ادا …
وفاقی وزیر خزانہ سینیٹر محمد اورنگزیب دی بل گیٹس نال ملاقات
ڈیووس۔ 22 جنوری(اے پی پی) وفاقی وزیر خزانہ سینیٹر محمد اورنگزیب ڈیووس اچ ورلڈ اکنامک فورم دے سالانہ اجلاس دے موقع تے بل گیٹس نال ملاقات کیتی۔ ملاقات اچ پاکستان اچ جاری اصلاحاتی عمل، صحت دے شعبے دی ترجیحات اتے پائیدار ترقی کیتے گیٹس فاؤنڈیشن نال تعاون کوں مزید مضبوط بݨاوݨ تے ڳالھ مہاڑ تھئی۔ وزیر خزانہ پولیو دے خاتمے کیتے فاؤنڈیشن دے اہم کردار تے انھاں دا شکریہ ادا کیتا۔ بل گیٹس پولیو دے مکمل خاتمے کیتے مسلسل کوششاں دی اہمیت تے زور ݙتا۔ سینیٹر محمد اورنگزیب پاکستان دے ٹیکس نظام کوں ڈیجیٹل بݨاوݨ (ڈیجیٹلائزیشن) دے حوالے نال فاؤنڈیشن دی حمایت دا وی شکریہ ادا کیتا اتے آکھیا جو اے اقدام حکومت دے اصلاحاتی ایجنڈے دا اہم حصہ اے۔ بل گیٹس آکھیا جو ڈیجیٹل ذریعے نال ٹیکس وصولی نال عوامی خدمات اچ نمایاں بہتری ڳھن آئی ونڄ سڳدی اے۔ ݙوہیں پاسوں آندے سالاں اچ قریبی تعاون جاری رکھݨ دے عزم دا اعادہ کیتا ڳیا۔
