پاکستان آسٹریلیا کوں ٹٖی ٹوئنٹی سیریز اچ وائٹ واش کر ݙتے

لاہور۔1 فروری(اے پی پی) پاکستان قذافی اسٹیڈیم لاہور اچ کھیڈے گئے تریجھے اتے چھیکڑی ٹی ٹونٹی میچ اچ آسٹریلیا کوں 111 رنز توں عبرتناک شکست ݙے تے سیریز اچ یادگار وائٹ واش کیتے۔ لاہور دے ایں تریخی میدان اچ 32 ہزار توں ودھ شائقین میچ ݙٹھے اتے ٹیم دا حوصلہ ودھائے۔ پاکستان ٹاس جیت تے پہلے بیٹنگ کیتی اتے 20 اوورز اچ 6 وکٹاں دے نقصان تے 207 رنز دا وݙا ہدف ݙتے۔ نوجوان صائم ایوب جارحانہ بیٹنگ کریندے ہوئیں 56 رنز ٻݨائے۔ بابر اعظم ذمہ دارانہ بیٹنگ کیتی اتے 50 رنز ٻݨا تے ناقابلِ شکست رہے۔ نائب کپتان شاداب خان صرف 19 بالاں تے 46 رنز دی دھواں دار اننگز کھیݙی، جیندے اچ پنج چھکے وی شامل ہن۔ 208 رنز دے وݙے ہدف دے جواب اچ آسٹریلیا دی ٹیم پاکستانی باؤلرز دے سامݨے ڈھیر تھی قئی۔ شاہین شاہ آفریدی 2، محمد نواز 5، نسیم شاہ اتے ابرار احمد ہک ہک وکٹ ڳھدی۔ پوری آسٹریلوی ٹیم صرف 96 رنز تے ڈھیر تھی گئی۔ ایں شاندار جِت دے بعد پاکستان سیریز 0-3 نال اپݨے ناں کر گھدی۔