انگلینڈ لائنز دے خلاف سیریز کیتے پاکستان شاہینز دے سکواڈ دا اعلان

لاہور۔2 فروری(اے پی پی) پاکستان شاہینز اتے انگلینڈ لائنز وچال ٹی 20 تے ہک روزہ (ون ڈے) سیریز کیتے پاکستان شاہینز دے سکواڈ دا اعلان کر ݙتا ڳئے۔ اے سیریز متحدہ عرب امارات (ابوظہبی) اچ کھیڈی ویسی۔ ٹی 20 سیریز 20 فروری توں شروع تھیسی، ڄݙاں جو 5 ون ڈے میچاں دی سیریز 27 فروری توں 9 مارچ تئیں تھیسی۔ ݙوہائیں فارمیٹس اچ پاکستان شاہینز دی کپتانی شامل حسین کریسن۔ ٹیم دا تربیتی کیمپ 11 توں 17 فروری تائیں کراچی وچ لڳسی۔ 16 رکنی سکواڈ اچ شامل حسین، عبدالصمد، عرفات منہاس، احمد دانیال، عاکف جاوید، علی رضا، حسن نواز، معاذ صداقت، محمد سلمان، روحیل نذیر، سعد بیگ، سعد خان، سعد مسعود، سمیر منہاس، شاہد عزیز اتے سفیان مقیم شامل ہن۔۔