معاشی خطرات توں نبڑݨ کیتے ادارہ جاتی مضبوطی ضروری اے، وزیرِ خزانہ محمد اورنگزیب

اسلام آباد۔ 9 فروری(اے پی پی) وفاقی وزیر خزانہ و محصولات سینیٹر محمد اورنگزیب آکھیے جو ول ول آوݨ والے معاشی اتے موسمیاتی جھٹکیاں توں نبڑݨ کیتے نظم و ضبط اتے ادارہ جاتی مضبوطی بنیادی اہمیت رکھدن۔ انھاں آکھیا جو پاکستان اچ ٹیکس دی شرح 10 فیصد توں ودھ تے تقریباً 12 فیصد دے نیڑے پڄ گئی اے۔ انھاں اے ڳالھ سعودی عرب اچ “العلاء کانفرنس” دے موقع تے ہک پینل مباحثے اچ شرکت کریندے ہوئیں آکھی۔ انھاں ݙسایا جو پاکستان مالیاتی خسارے کوں جی ڈی پی دے 8 فیصد توں ڳھٹ کر تے 5.4 فیصد دی سطح تے ڳھن آئے۔ انھاں 2022ء دے سیلاب دا حوالہ ݙیندے ہوئیں آکھیے جو مالیاتی تحفظ بیرونی جھٹکیاں کوں برداشت کرݨ اچ مددگار تھیندے۔