اسلام آباد۔ 11 فروری(اے پی پی) وفاقی وزیرِ تجارت جام کمال خان اتے کمبوڈیا دی وزیرِ تجارت چام نیمول دی صدارت اچ پاکستان اتے کمبوڈیا وچال ݙوطرفہ تجارت، سرمایہ کاری اتے صنعتی تعاون کوں ٻیا تکڑا بݨاوݨ کیتے وفود دی سطح دا اجلاس اسلام آباد اچ تھئے۔ اجلاس نال خطاب کریندے وزیر تجارت جام کمال خان آکھیا جو اے دورہ پاکستان اتے کمبوڈیا دے معاشی تعلقات کوں وسیع آسیان …
پاکستان اتے کمبوڈیا دا ݙوطرفہ تجارت، سرمایہ کاری اتے صنعتی تعاون کوں مضبوط بݨاوݨ کیتے وفود دی سطح دا اجلاس
مزید خبراں
اسلام آباد۔ 11 فروری(اے پی پی) وفاقی وزیرِ تجارت جام کمال خان اتے کمبوڈیا دی وزیرِ تجارت چام نیمول دی صدارت اچ پاکستان اتے کمبوڈیا وچال ݙوطرفہ تجارت، سرمایہ کاری اتے صنعتی تعاون کوں ٻیا تکڑا بݨاوݨ کیتے وفود دی سطح دا اجلاس اسلام آباد اچ تھئے۔ اجلاس نال خطاب کریندے وزیر تجارت جام کمال خان آکھیا جو اے دورہ پاکستان اتے کمبوڈیا دے معاشی تعلقات کوں وسیع آسیان فریم ورک اچ ڳھن ونڄݨ کیتے ٻہوں اہمیت رکھدے۔ انھاں آکھیا جو کمبوڈیا جیہڑیاں چیزاں ٻاہروں منگویندے، پاکستان او سارا خام مال اتے چیزاں ݙیوݨ دی پوری صلاحیت رکھدے، پاکستان گھریلو ٹیکسٹائل دا تریڄھا وݙا عالمی سپلائر اے جیہڑا کمبوڈیا کیتے پاکستان توں سورسنگ ودھاوݨ دا واضح موقع ݙیندے۔ ڈوہیں فریقاں اتفاق کیتا جو ٹیکسٹائل ویلیو چین اچ قریبی تعاون عالمی منڈیاں اچ مقابلہ کرݨ دی صلاحیت ودھا سڳدے۔ جام کمال کمبوڈیا کوں دوا سازی (فارما) دی برآمدات ودھاوݨ اچ وی دلچسپی ݙسائی۔ اجلاس اچ خصوصی اقتصادی زونز دے ذریعے تعاون دا جائزہ وی ڳھدا گیا۔
کمبوڈیا دی وزیرِ تجارت چام نیمول پاکستان ولوں مہمان نوازی دی تعریف کیتی اتے صنعتی تعاون دی تجاویز دا خیر مقدم کیتا۔ انھاں حلال سرٹیفیکیشن، لاجسٹک ہب اتے ٹیکسٹائل اچ مشترکہ منصوبیاں اچ دلچسپی ݙکھائی۔
