ݙاہویں آئی سی سی مینز ٹی 20 ورلڈ کپ اچ کل ٻئے ترائے میچاں دا فیصلہ تھیسی

کولمبو۔ 12 فروری (اے پی پی) انٹرنیشنل کرکٹ کونسل ولوں آئی سی سی مینز ٹی 20 ورلڈ کپ اچ کل (جمعہ کوں) ٻئے ترائے میچ کھیڈیے ویسن۔ سپورٹس ویب سائٹ دے مطابق پہلا میچ گروپ بی دی ٹیماں آسٹریلیا تے زمبابوے وچال کولمبو دے آر پریماداسا سٹیڈیم اچ کھیڈیا ویسی۔ ڈوجھے میچ اچ گروپ ڈی دی ٹیماں کینیڈا تے یو اے ای ہک ٻئے دے آمݨے سامݨے ہوسن، اے ورلڈ کپ دا 20 واں میچ ہوسی جیہڑا ارون جیٹلی سٹیڈیم دہلی اچ کھیڈیا ویسی۔ ٹورنامنٹ دا کل دا تریجھا تے چھیکڑی میچ گروپ اے دی ٹیماں امریکہ تے نیدر لینڈز وچال چنائی اچ تھیسی۔ ایں میگا ایونٹ اچ 20 ٹیماں ٹائٹل حاصل کرݨ کیتے کوشش کریندی پئن اتے فائنل 8 مارچ کوں کھیڈیا ویسی۔