پاکستان دی مادری زباناں دا میلہ جمعہ توں اسلام آباد اچ شروع تھیندا پئے

اسلام آباد-12 فروری(اے پی پی) انڈس کلچرل فورم ولوں  پاکستان دی مادری زباناں دا یارھواں میلہ جمعہ ۱۳ فروری کوں پاکستان نیشنل کونسل آف دی آرٹس اچ ترائے ڈینھ جاری رہسی۔  اے میلہ پاکستان دے ثقافتی تے لسانی تنوع کوں سراہوݨ اتے مناوݨ دا ہک نشابر موقع اے۔ انڈس کلچرل فورم میلہ پاکستان نیشنل کونسل آف دی آرٹس دی معاونت نال کریندا پئے ۔ ترائے ڈینھ تئیں جاری رہوݨ آلے میلے اچ 150 توں ودھ  لکھاری، فنکار، ثقافتی کارکنان، اہلِ قلم، شاعر تے لسنیات دے ماہرین شریک تھیسن اتے 70 توں ودھ کتاباں دی گھنڈ کھلائی تھیسی ۔  افتتاحی تقریب باضابطہ شام 5:30 وجے PNCA دے اوپن ایئر تھیٹر اچ تھیسی۔۔ افتتاحی سیشن اچ کلیدی خطبہ UNESCO دے پاکستان دے چیف آف بیورو تے  ریپریزنٹیٹو ڈاکٹر فؤاد پاشائیوف دا موضوع “مصنوعی ذہانت اور مادری زبانوں کے لئے امکانات” تے ہوسی ۔وفاقی وزیر برائے قومی ورثہ و ثقافت اورنگ زیب خان کھچی ایں تقریب دے خصوصی مہمان ہوسن ۔  انڈس کلچرل فورم ہک رضاکارانہ تنظیم اے جئیں ایں میلے کوں پاکستان دیاں زباناں تےثقافت دے رنگیں کوں مناوݨ شروع کیتے۔ انڈس کلچرل فورم دے چیئرمین نصیر میمن دا آکھݨ ہا جو ادبی میلے ہک ایجھا پلیٹ فارم ݙتے جتھاں اہل قلم فکری مباحثاں اچ آپدی سماجیات دے مسئلیاں تے روشنی پا سگن ۔ انھاں آکھے جو “پاکستان دیاں مادری زباناں دا میلہ او فورم اے جتھاں کئی زباناں دے مصنفین، شاعراں تے فنکاراں کوں آپدیاں   زباناں دی ترویج دا موقع ڈتا ویندے ، اے زباناں ایں خطے دیاں صدیاں تے کھنڈی  تہذیبی ورثے دیاں جڑاں نال گنڈھی ہوئی اے”۔ افتتاحی ڈینھ دی نشابر نشست پاکستان دیاں وکھو وکھ زباناں دیاں 12  شخصیات کوں خراج تحسین پیش کرنڑ اے ۔ انھاں نشابر شخصیات کوں زبان تے ادب دی بے لوث خدمت دے اعتراف اچ   لائف ٹائم اچیومنٹ ایوارڈ ݙتا ویسی۔ انھاں اچ رائے محمد خان ناصر (پنجابی)،  ڈاکٹر عبدالصبور بلوچ (بلوچی)، ایاز گل (سندھی)، علی محمد فرشی (اردو)،  طاہرہ احساس جتک (براہوئی)، ممتاز غزنی (پہاڑی)، مخلص وجدانی (گوجری)،  ڈاکٹر ہمایوں ہما (پشتو)، عاشق خان بزدار (سرائیکی)، محمد حنیف (ہندکو)، یاسر کیانی (پوٹھوہاری) اور حاجی ملا ادینہ شاہ (گورباتی) شامل ہیں۔  میلے دے ڈوجھے تے تریجھے ڈینھ وی  ادبی کتاباں دی مشہوری ، مشاعرہ، تھیٹر تے موسیقی دیاں محفلاں نال رقص ، تھیٹر وی تھیسی۔ اے میلہ مفت اے تے  ہر کہیں سانگے در کھلا اے۔

ڈاکٹر سعدیہ کمال