ݙاہویں آئی سی سی مینز ٹی 20 ورلڈ کپ اچ کل ٻئے ترائے میچاں دا فیصلہ تھیسی

کولمبو۔ 18 فروری (اے پی پی) انٹرنیشنل کرکٹ کونسل دے ولوں آئی سی سی مینز ٹی 20 ورلڈ کپ اچ کل خمیس کوں ٻئے ترائے میچ کھیݙیے ویسن۔ سپورٹس ویب سائٹ دے مطابق پہلا میچ گروپ سی دی ٹیماں ویسٹ انڈیز تے اٹلی وچال ایڈن گارڈنز، کولکتہ اچ کھیݙیا ویسی۔ ڈوجھے میچ اچ گروپ بی دی ٹیماں میزبان سری لنکا تے زمبابوے آمݨے سامݨے تھیسن، اے ورلڈ کپ دا 38 واں میچ تھیسی جیہڑا آر پریماداسا انٹرنیشنل سٹیڈیم، کولمبو اچ کھیݙیا ویسی۔ ٹورنامنٹ دا کل خمیس دا تریجھا تے چھیکڑی میچ گروپ ڈی دی ٹیماں کینیڈا تے افغانستان وچال چنائی اچ کھیݙیا ویسی۔ میگا ایونٹ دے دلچسپ مقابلے بھارت تے سری لنکا اچ جاری ہن جیندے اچ شائقین کوں کانٹے دار مقابلے ڈیکھݨ کوں ملدے پئن۔ میگا ایونٹ اچ 20 ٹیماں ٹائٹل جتݨ کیتے کوششاں کریندی پئن۔ میزبان بھارت دی ٹیم دفاعی چیمپئن اے اتے ٹورنامنٹ دا فائنل 8 مارچ کوں کھیݙیا ویسی۔