پاکستان دی نمیبیا دے خلاف ورلڈ کپ اچ رنز دے اعتبار نال سب توں وݙی جیت

کولمبو۔ 18 فروری(اے پی پی) پاکستان کرکٹ ٹیم نمیبیا کوں 102 رنز توں ہرا تے ٹی 20 ورلڈ کپ اچ رنز دے لحاظ نال اپݨی سب توں وݙی فتح حاصل کیتی اے۔ ایں میچ اچ صاحبزادہ فرحان دی شاندار سنچری پاروں پاکستان 200 رنز دا ہدف ݙتے، جیندے جواب اچ نمیبیا دی ٹیم صرف 97 رنز ٻݨا سڳی۔ اے پہلا موقع اے جو پاکستان ورلڈ کپ اچ 100 توں زیادہ رنز نال جیتئے، ایندے توں پہلے 2014 اچ ویسٹ انڈیز دے خلاف 84 رنز دی جیت وݙی ہئی۔ ایں کامیابی دے نال پاکستان “سپر ایٹ” مرحلے کیتے وی کوالیفائی کر ڳھدے۔