ورلڈ ٹی ٹوئنٹی کپ، سپر ایٹ مرحلے اچ پاکستان دا پہلا میچ ہفتے کوں نیوزی لینڈ نال تھیسی

کولمبو۔ 18 فروری(اے پی پی) ٹی 20 ورلڈ کپ دے سپر ایٹ مرحلے اچ پاکستان کوں گروپ 2 اچ انگلینڈ، نیوزی لینڈ اے سری لنکا نال رکھیا ڳئے۔ ہر ٹیم اپݨے گروپ دیاں ٻیاں ٹیماں نال ہک ہک میچ کھیݙسی۔ پاکستان دا پہلا میچ ہفتے کوں نیوزی لینڈ نال کولمبو اچ تھیسی۔ ڄیکر پاکستان سیمی فائنل کیتے کوالیفائی کریندے تاں پہلا سیمی فائنل 4 مارچ کوں کولمبو اچ کھیݙا ویسی۔ سپر ایٹ اچ پڄݨ نال پاکستان 2028 دے ورلڈ کپ کیتے وی خودکار طور تے کوالیفائی کر ڳھدے، جیندے نال ٹیم کیتے اڳلے مقابلیاں دی تیاری سوکھی تھی گئی اے۔