آئی سی سی ٹی ٹونٹی ورلڈ کپ سپر 8 راؤنڈ، پاکستان تے نیوزی لینڈ دی ٹیماں کل آپت اچ کھیݙسن

کولمبو۔ 20 فروری (اے پی پی) آئی سی سی ٹی ٹونٹی ورلڈ کپ سپر 8 راؤنڈ اچ پاکستان تے نیوزی لینڈ دی ٹیماں کل (ہفتے کوں) سری لنکا دے دارالحکومت کولمبو دے آر پریما داسا سٹیڈیم اچ ہک ٻئے دے مقابلے اچ ہوسن۔ سری لنکا دے ٻئے میچاں وانگوں ایں میچ اچ وی بارش دا خطرہ ٻہوں ودھ اے۔ آئی سی سی دے قنون دے مطابق لیگ مرحلے تے سپر 8 دے میچاں کیتے کوئی ریزرو ڈینہوار کائنی رکھا ڳیا۔ اگر ݙوہیں ٹیماں گھٹ توں گھٹ پنج اوور نہ کھیݙ سگیاں تاں میچ منسوخ تھی ویسی اتے ݙوہیں ٹیماں کوں ہک ہک پوائنٹ ݙتا ویسی۔ موسم دی پیش گوئی دے مطابق ہفتے کوں کولمبو اچ 80 توں 85 فیصد بارش دا امکان اے، جیندے پاروں میچ تھیوݨ دے امکانات گھٹ لگدے پئن۔