پاکستانی کرکٹ ٹیم، ٹی-20 ورلڈ کپ دے بعد مارچ اچ بنگلادیش دا دورہ کریسی

اسلام آباد۔ 20 فروری(اے پی پی)پاکستانی مینز کرکٹ ٹیم ٹی-20 ورلڈ کپ دے بعد مارچ اچ بنگلادیش دا دورہ کریسی۔ پاکستان دی ٹیم 9 مارچ کوں بنگلادیش پڄسی جتھاں ایں دورے اچ ݙوہائیں ٹیماں وچال 3 ون ڈے (ہک روزہ) میچاں دی سیریز کھیڈی ویسی۔ قومی ٹیم 10 مارچ کوں پریکٹس سیشن اچ حصہ گھنسی، ڄڈاں جو پہلا میچ 11 مارچ، ݙوڄھا 13 مارچ اتے تریڄھا میچ 15 مارچ کوں کھیڈیا ویسی۔ سیریز دے سارے میچ شیرِ بنگلہ نیشنل کرکٹ اسٹیڈیم ڈھاکا اچ تھیسن۔ پاکستان دا اے جولائی 2025 دے بعد بنگلادیش دا ݙوڄھا دورہ ہوسی، پچھلے سال دی ٹی-20 سیریز بنگلادیش جیتی ہائی۔ ایں توں پہلے مئی اتے جون 2025 اچ بنگلادیش دی ٹیم پاکستان دا دورہ کیتا ہا، اے سیریز پاکستان سلمان علی آغا دی کپتانی اچ 3-0 توں جیتی ہائی۔