سرائیکی وسیب دے شاعر تے ادیب شاکر مہروی دا 16 واں ورھیݨاں

اسلام آباد۔ 26 فروری (اے پی پی) سرائیکی وسیب دے شاعر تے ادیب شاکر مہروی دا 16 واں ورھیݨاں انہاں دے آبادی علاقے سنانواں اچ منایا ڳئے۔ شاکر مہروی کوں اڄ دنیا توں جھوک لݙائے16 سال تھی ڳئن۔ بزم شاکر مہروی ادبی فورم ݙسائے انہاں دیاں سرائیکی شاعری دیاں ” میں یاد آساں” تے ” بس توں” 30 توں ودھ مجموعے ہن۔ جیندے اچ پیار محبت ، معاشر اچ امن، حمد و نعت ، ݙوہڑہ ، غزل ، نظم ، کافی، مسدس گیت تے شامل ہن۔شاکر مہروی احمد خان طارق دے خاص شاگرد ہن۔ عوام انہاں دے کلام کو شوق نال سݨدی اے۔انہاں دا کلام نہ صرف یونیورسٹیاں دے نصاب اچ شامل اے جݙاں جو10 ویں دے ںصاب اچ وی شامل کیتا ڳئے۔ آپدے لہجے دی مٹھاس تے آپدی شاعری دے نشابر انداز اچ سرائیکی مشاعرے انہاں دے بغیر ادھورے سمجھیے ویندے ہن، انہاں دی مشہور زمانہ غزل “زندگی ہے سفر مختصر مختصر” کوں موسیقی اچ خاص مقام حاصل اے۔ سرائیکی ایریا سٹڈی دی ڈائریکٹر ڈاکٹر روحما حفیظ آکھیے جو شاکر مہروی او ستارہ اے جیڑھا لوکاں دے دلاں اچ زندہ اے۔ انہاں دے سولہویں ورھیݨے تے مٹھی عید دے بعد سرائیکی ایریا سٹڈی سنٹر ملتان اچ “بیاد شاکر مہروی ” انہاں دی خدمات دے اعتراف اچ خراج عقیدت پیش کیتا ویسی۔ او 26 فروری 2010 اچ جمعہ دے ݙینھ فوت تھئے ہن انہاں آپݨے 8 دھیریں ھک پتر سوگوار چھوڑئن۔(ڈاکٹرسعدیہ کمال)