لاہور۔ 6 مارچ (اے پی پی) پاکستان پیپلز پارٹی جنوبی پنجاب دے صدر مخدوم سید احمد محمود سرائیکی کلچر ڈے دے موقع تے آپݨے خصوصی سنیھے اچ سرائیکی وسیب سودھے دنیا بھر اچ وسݨ آلے سرائیکی زبان بولݨ آلے سارے لوکاں کوں دلی مبارکباد پیش کیتی اے۔ جمعہ کوں ہک بیان اچ انھاں آکھیا جو سرائیکی کلچر ڈے نہ صرف سرائیکی تہذیب، ثقافت تے زبان نال محبت دے اظہار دا …
مخدوم سید احمد محمود دا سرائیکی کلچر ڈے دے موقع تے سنیھا
مزید خبراں
لاہور۔ 6 مارچ (اے پی پی) پاکستان پیپلز پارٹی جنوبی پنجاب دے صدر مخدوم سید احمد محمود سرائیکی کلچر ڈے دے موقع تے آپݨے خصوصی سنیھے اچ سرائیکی وسیب سودھے دنیا بھر اچ وسݨ آلے سرائیکی زبان بولݨ آلے سارے لوکاں کوں دلی مبارکباد پیش کیتی اے۔ جمعہ کوں ہک بیان اچ انھاں آکھیا جو سرائیکی کلچر ڈے نہ صرف سرائیکی تہذیب، ثقافت تے زبان نال محبت دے اظہار دا ݙینہہ اے بلکہ اے ݙینہہ اساکوں ایں عزم دی وی یاد دہانی کرویندے جو اساں آپݨی مادری زبان سرائیکی کوں زندہ رکھݨ، ایندی ترویج و ترقی کیتے عملی اقدامات کرݨ تے آپݨی ثقافتی سنڄاݨ کوں آندی نسلاں تئیں منتقل کرݨ کیتے بھرپور کردار ادا کروں۔ انھاں آکھیا جو وسیب دے عوام دی خوشحالی تے محرومیاں دے خاتمے کیتے انڄ صوبے دا قیام وقت دی اہم لوڑھ ٻݨ ڳئے۔ انھاں آکھیا جو پیپلز پارٹی جنوبی پنجاب دی عوام کوں انڄ صوبے دا تحفہ ضرور ݙیسی، کیونجو اے نہ صرف چیئرمین بلاول بھٹو زرداری بلکہ چیئرمین سینیٹ آف پاکستان سید یوسف رضا گیلانی دی وی دیرینہ خواہش اے جو سرائیکی وسیب دی عوام کوں انھاں دا آئینی تے انتظامی حق ݙتا ونجے۔
