سرائیکی اجرک اخلاص تے محبت دا استعارہ اے، وزیراعلیٰ مریم نواز

لاہور۔ 6 مارچ (اے پی پی) وزیراعلیٰ پنجاب مریم نواز شریف آکھیا جو سرائیکی اجرک میݙی پسندیدہ اے، سرائیکی اجرک اخلاص تے محبت دا استعارہ اے۔ وزیراعلیٰ مریم نواز شریف سارے بھراواں کوں سرائیکی ݙینہہ دی مبارکباد سرائیکی زبان اچ پیش کیتی اتے آکھیا جو اجرک سرائیکی خطے دی صدیاں پراݨی ثقافتی علامت اے۔ سرائیکی تہذیب تے تمدن اچ محبت، پیار، یگانگت تے خلوص جھلکدے۔ سرائیکی اجرک دے ݙینہہ تے آپݨے خصوصی سنیھے اچ وزیراعلیٰ مریم نواز شریف آکھیا جو سرائیکی اجرک دے رنگ ݙیکھ تے اکھیں کوں ٹھنڈک ملدی اے۔ پنجاب پاکستان دی ثقافت تے قدیم روایات دا امین اے۔ پاکستان مسلم لیگ (ن) جنوبی پنجاب کوں ترقی تے خوشحالی دی راہ تے گامزن کیتا۔