ملک بھر اچ سونے دی قیمت اچ 3,400 روپے گھٹکی ریکارڈ

اسلام آباد۔ 6 مارچ (اے پی پی) ملک اچ سونے دی قیمت اچ 3,400 روپے گھٹکی نال فی تولہ سونا 5 لکھ 33 ہزار 7 سو 62 روپے دا تھی ڳیا۔ آل پاکستان جیمز اینڈ جیولرز ایسوسی ایشن موجب سونے دی فی تولہ قیمت اچ 3,400 روپے کمی دے بعد فی تولہ سونا 5 لکھ 33 ہزار 7 سو 62 روپے دا تھی ڳئے۔ 24 قیراط سونے دے 10 گرام دی قیمت وی 2,915 روپے کمی دے بعد 460,529 روپے توں گھٹ تھی تے 457,614 روپے تھی ڳئی جݙاں جو 10 گرام 22 قیراط سونے دی قیمت 422,166 روپے توں گھٹ تھی تے 419,494 روپے تھی ڳئی۔ آل سندھ صرافہ جیولرز ایسوسی ایشن رپورٹ کیتا جو فی تولہ چاندی دی قیمت 104 روپے ودھارے دے بعد 8,914 تے ݙاہ گرام چاندی دی قیمت 89 روپے ودھارے دے بعد 7,642 روپے تھی ڳئی۔ ایسوسی ایشن رپورٹ کیتے جو بین الاقوامی مارکیٹ اچ سونے دی قیمت 5,144 ڈالر توں گھٹ تھی تے 5,110 ڈالر تھی ڳئی۔