پاکستان اتے بنگلہ دیش وچال ون ڈے سیریز کیتے قومی کرکٹ ٹیم ڈھاکہ پڄ ڳئی

لاہور۔ 8 مارچ (اے پی پی) پاکستان اتے بنگلہ دیش وچال ترائے میچاں تے مشتمل ون ڈے سیریز کیتے قومی کرکٹ ٹیم ڈھاکہ پڄ ڳئی اے۔ ݙوہیں ٹیماں وچال سیریز دے سارے میچز شیرِ بنگلہ کرکٹ اسٹیڈیم ڈھاکہ اچ کھیݙیے ویسن۔ پاکستانی ٹیم ڈھاکہ پڄݨ دے بعد اڄ آرام کریسی جݙاں جو کھڈاری آندے میچاں دی تیاری کیتے جلدی ٹریننگ دا آغاز کریسن۔ سیریز دا پہلا ون ڈے میچ 11 مارچ کوں کھیݙیا ویسی جݙاں جو ݙوجھا تے تریجھا میچ بالترتیب 13 تے 15 مارچ کوں ایں میدان اچ تھیسی۔ اے سیریز ݙوہیں ٹیماں کیتے اہمیت دی حامل اے جیندے اچ شائقین کوں سنسنی خیز مقابلیاں دی توقع اے۔