اسلام آباد ۔ 21 جون(اے پی پی) متحدہ عرب امارات دی کمپنی تعمیر ایل ایل سی پاکستان وچ سستے گھربنڑاونڑ سانگے 500 ملین ڈالر توں ودھ دی سرمایہ کاری کرنڑ دی خواہشمند ہے۔ کمپنی ولوںجاری بیان دے مطابق تعمیر ایل ایل سی مشرق وسطیٰ وچ پراپرٹی دے شعبے وچ کم کرنڑ آلی ہک وڈی کمپنی ہے جیندا وفدآجکل پاکستان دے دورہ تے ہے تاں جوشعبہ وچ سرمایہ کاری دے امکانا ت داجائزہ گھدا ونج جا سگے۔پاکستان دادورہ کرنڑ آلے وفد ملک وچ سستے اتے چھوٹے گھراں دی تعمیر سانگے پانچ سو ملین ڈالر دی سرمایہ کاری دی خواہش ظاہر کیتی ہے۔ کمپنی آوندے ڈو سال دے دوران ملک دے مختلف شہراں وچ چھوٹے اتے سستے رہائشی یونٹس دی تعمیر سانگے سرمایہ کاری کریسی جیندے نال رہائش ضرورتاں کوں پوراکرنڑ وچ مدد ملسی۔
