اسلام آباد ۔ 2 جولائی (اے پی پی) پاکستان جمعے کوں بنگلہ دیش دے دارلحکومت ڈھاکہ اچ دہشت گرد حملے دی مذمت کیتی ہے جیندے اچ کئی قیمتی جاناں ضائع اتے ودھ سارے لوک زخمی تھئے ہن ۔ چھنڑ چھنڑ کوں دفتر خارجہ دے ترجمان ولوں جاری ہک بیان دے مطابق حکومت اتے پاکستانی لوک دہشت گرد حملے اچ جابحق لوکیں دے لواحقین ،بنگلہ دیشی حکومت اتے عوام نال دلی تعزیت دا اظہار کیتے اتے زخمیاں دی تکھے صحت یابی کیتے دعا کیتی ہے ۔ ترجمان دا آکھنڑ ہئی جو پاکستان اظہار یکجہتی دے طور تے بنگلہ دیشی عوام دے نال ہے اتے ایں گالھ تے یقین رکھیندے جو بنگلہ دیش دی حکومت ایں بزدلانہ حملے دے ذمہ داراں کوں انصاف دے کٹہرے اچ کھڑا کریسی ۔ پاکستان ہر قسم دی دہشت گردی دی مذمت کریندے ۔
