تھائی لینڈ اتے ترکی دے نال آزادانہ تجارت دے معاہدے دے حوالے نال ودھ سارا کم تھی گیا ہے،2017اچ سائوتھ کوریا دے نال وی آزادانہ تجارت دے معاہدے تے کم شروع کر ڈیسوں ،روس دے نال دفاع اتے زرعی شعبے اچ تجارت دے موقع سامنڑے آندے پئے ہن ،وفاقی وزیر تجارت خرم دستگیر

اسلام آباد ۔ 28 ستمبر (اے پی پی) وفاقی وزیر تجارت انجینئر خرم دستگیر آکھیا ہے جو تھائی لینڈ اتے ترکی دے نال آزادانہ تجارت دے معاہدے دے حوالے نال ودھ سارا کم تھی گیا ہے،2017اچ سائوتھ کوریا دے نال وی آزادانہ تجارت دے معاہدے تے کم شروع کر ڈیسوں ،روس دے نال دفاع اتے زرعی شعبے اچ تجارت دے موقع سامنڑے آندے پئے ہن۔بدھ کوں قومی اسمبلی دے اجلاس اچ سولاں دے وقفے دے دوران شگفتہ جمانی دے سوال اے جواب اچ خرم دستگیر ڈسایا جو گزریل پنج سالاں دے دوران بر آمد تے در آمد دے کوئی معاہدے نی کیتے گے ۔اساں ہک پالیسی بنڑائی ہے جو کیرھے ملکاں نال آزادانہ تجارت دے معاہدے کرنڑے ہن ۔ترکی تے تھائی لینڈ دے نال فری ٹریڈ معاہدے سانگے ودھ سارا کم تھی گیا ہے ۔2017اچ سائوتھ کوریا توں وی ایف ٹی اے اگے تے ودھیسوں ۔چین توں 10سال پرانڑے ایف ٹی اے تے نظر ثانی کیتی ویسی ۔روس اچ پہلی واری زرعی نمائش چ شرکت کیتی ۔وختی اتھاں وڈی امپورٹ شروع تھیسی ۔پاک افغان ٹریڈ دیاں سہولتاں کوں چنگاں بنڑیندے پیوں سکینرز وی لیندے پیوں ۔30جون 2017توں پہلے طور خم چمن تے وڈی سرمایہ کاری کریندے پیوں ۔اساں افغانستان دے نال تجارت کوں مناسب انداز اچ رجسٹرڈ کرنڑاں ہے اتے تجارت وی ودھاونڑیں ہے ۔روس نال دفاعی تعان اچ وڈا قدم چاتا ہے ۔ایں طرح تجارت وی اگی تے ودھسی تے ۔آلوں تے کنو اچ روس دی ودھ ساری دلچسپی ہے ۔