عمران خان پارلیمنٹ دے سانجھے اجلاس دا بائیکاٹ کر تے بھارتی میڈیا کوں پاکستان تے تنقید کرنڑ دا موقع ڈتا، وفاقی وزیر ریلوے

اسلام آباد ۔ 7 اکتوبر (اے پی پی) وفاقی وزیر ریلوے خواجہ سعد رفیق آکھیا جو عمران خان پارلیمنٹ دے سانجھے اجلاس دا بائیکاٹ کر تے بھارتی میڈیا کوں پاکستان تے تنقید کرنڑ دا موقع ڈتا،پتوکی مال گاڈی اتے مسافر گاڈی اچ تصادم دے ذمہ وار ں کوں معطل کر تے کاروائی کیتی ویسی،حادثہ اچ جاں بحق تھیونڑ آلیاں دے لواحقین کوں ڈاہ لکھ،زخمی تھیونڑ آلیاں کوں ترائے لکھ روپے ڈتے ویسن،بلوچستان اچ ٹرین اچ بم دھماکے دے نتیجے اچ 4بندے جاں بحق،کئی زخمی تھین۔جمعہ کوں پارلیمنٹ ہائوس دے باہر میڈیا نال گالھ مہاڑ کریندیں ہوئیں انہاں آکھیا جو کوئٹہ دے نیڑے دہشت گرد بم ریلوے ٹریک تے لگیا ہئی ایف سی پولیس پکڑ گھدا۔انہاں آکھیا جو بلوچستان اچ ریلوے کون ٹارگٹ کرنڑ سانگے دہشت گرداں دا نواں گروپ بنڑیے جیڑھا جو بلوچستان اچ ٹرین اچ بم دھماکیاں دے نتیجے اچ چار بندے جاں بحق اتے بہوں زخمی ہن ۔ریلوے ٹریک کوں محفوظ بنڑاونڑ سانگے کم کریندے پئیوں۔ایں حادثے اچ ٹرین دا ڈوائیور براہ راست ملوث اے۔انہاں آکھیا جو ریلوے دے محکمہ توں کرپشن دے خاتمے سانگے وی کئی اقدامات کیتے ویندے پئن ۔