اسلام آباد ۔ 22 اپریل (اے پی پی)وفاقی وزیر مذہبی امور سردار یوسف آکھیا اے جو 18ویں ترمیم دے بعد این ایف سی ایوارڈ دے تحت زکوة دی رقم صوبیں کوں ڈتی ویندی ہے جیرھی جو خود زکوةدی رقم ونڈیندے ہن ۔جمعے کوں ایوان بالا اچ سوالاں دے وقفے دے دوران سینیٹر سراج الحق دے سوال دے جواب اچ وفاقی وزیر مذہبی امور سردار محمدیوسف ڈسایا جو این ایف سی ایوارڈ دے تحت زکوة دی رقم صوبیں کوں ڈتی ویندی ہے۔جیرھے جو خود ونڈ ڈیندے ہن ۔آبادی دے تناسب نال صوبیں کوں اے رقم ادا کیتی ویندی ہے ۔انہاں ڈسایا جو پچھلے ڈو سالاں دے دوران پنجاب کوں 57.36 فیصد’ سندھ کوں 23.71 فیصد’ خیبر پختونخوا کوں 13.82 فیصد’ بلوچستان کو ں5.11 فیصد رقم ڈتی گئی ‘ ست فیصد فاٹا اتے ست فیصد گلگت بلتستان اتے ست فیصد آئی سی ٹی سانگے مختص کر ڈتے گئے ہن ۔ 2014-15ء اچ 4778.18 ملین روپے اتے 2015-16ء اچ 5398 ملین روپے ڈتے گئے۔
