وزیراعظم محمد نوازشریف دا یوم عاشور دے موقع تے قوم دے نال سنھیا

حضرت امام حسین دنیا کو ں حق دی حفاظت سانگے جاناں دے نذرانے دا سبق ڈتا ، امام عالی مقام حضرت امام حسین ظلم و جبردی اطاعت کرنڑ دی بجائے شہادت دا راستہ اختیار کیتااتے دْنیا کوں اے سبق ڈتا جو حریت ہک بنیادی حق اتے دین اسلام دی تعلیمات دے عین مطابق ہے،اساں کوں فروعی، مسلکی، لسانی اتے صوبائی اختلافات کوں بھلاونڑ اتے مساوات، رواداری، نظم و ضبط تے قربانی ڈیونڑ آلے وصاف کوں ودھارا ڈیونڑاں ہوسی
اسلام آباد ۔ 11 اکتوبر (اے پی پی) وزیراعظم محمد نوازشریف آکھیا ہے جو حضرت امام حسین نے ظلم و جبر دی اطاعت کرنڑ دی بجائے شہادت دا رستہ اختیار کر تے دنیا کوںحق دی حفاظت سانگے جانیں دے نذرانے دا سبق ڈتا اما م عالی مقام حضرت امام حسین ظلم تے جبر دی اطاعت کرنڑ دی بجائے شہادت دا رستہ اختیار کیتا تے دنیا کوں اے سبق ڈتا جو حریت ہک بنیادی حق ہے جیرھا جو دین اسلام دی تعلیمات دے بالکل مطابق ہے اساں کوں فروعی ،مسلکی اتے لسانی تے صوبائی اختلافات کوں ہک پاسے رکھنڑ اں ہوسی اتے مساوات ،رواداری نظم تے ضبط اتے قربانی ڈیونڑ آلے خوبیاں کوں ودھاونڑاں ہوسی ،وزیراعظم اے گالھ یوم عاشور ہ 10محرم الحرام 1438ھ /2016دے موقع تے قوم دے نال اپنڑے سنھیے اچ آکھی ہے ۔وزیراعظم آکھیا جو عاشورہ محرم اساں کوں کربلا دی یا د ڈویندے ،کربلا اچ حق اتے سچ دا علم اچا رکھنڑ سانگے امام عالی مقام حضرت امام حسین نے ظلم اتے جبر دی اطاعت کرنڑ دی بجائے شہادت دا رستہ چنڑیا اتے ساری دنیا کوں اے سبق ڈتا جو حریت ہک بنیادی حق ہے جیرھا جو دین اسلام دیاں تعلیمات دے مطابق ہے ،ایں حق دی حفاظت کرنڑ اپنڑی جان دی حفاظت کرنڑ توں ودھ لازم ہے ۔اے او سنھیا ہے جیرھا نواسہ رسول ۖ دی شہادت توں اساں کوں ملدے ،وزیراعظم آکھیا جو کل جہان دی تاریخ توں ایجھی قربانی اتے استقامت دی کوئی مثال نی ملدی ،اما م عالی مقام دا اے سنھیا ساری انسانیت سانگے مشعل راہ ہے ۔وزیراعظم آکھیا جو عزیز وطن پاکستان ایجھے ہی اعلیٰ مقصد دی تکمیل سانگے حاصل کیتا گیا ہا جنہاں دی خاطر خاندان رسالت بارگاہ حق اچ اپنڑیں جاناں دیاں قربانیاں پیش کیتیاں ہن ،اج دے ڈینھ اساکوں فروعی ،مسلکی ،لسانی اتے صوبائی اختلافات کوں بھلاونڑاں ہوسی اپنڑے اندر مساوات رواداری ،نظم و ضبط اتے قربانی ڈیونڑ آلے اوصاف کوں ودھاونڑاں ہوسی ۔وزیراعظم آکھیا جو اج دے پاکستان دے حالات ڈیکھدے ہوئیں اساکوں اپنڑیں صفاں اچ گھٹ جوڑ دی ضرورت ہے تاں جو کوئی وی دشمن اساں ڈے اکھ چاتے نہ ڈیکھ سگے ،۔