اسلام آباد ۔ 22 اپریل (اے پی پی) وفاقی وزیر اطلاعات و نشریات سینیٹر پرویز رشید نمل یونیورسٹی اسلام آباد اچ مسلماناں دے رسوم و رواج کوں ظاہر کرنڑ آلی ”ون بیلٹ ون روڈ” تصویری فن پاریاں دی نمائش دا افتتاح کیتے۔ نمائش دا اہتمام پاکستان اچ عوامی جمہوریہ چین دے سفارتخانے اتے نینگسیا اسلامک فرینڈ لی کونسل نمل یونیورسٹی دے تعاون نال جمعے کوں اتھاں یونیورسٹی کمپیس اچ کیتا۔ ایں موقعے تے چینی سفارتخانے دے ناظم الامور چائولی جیان اتے نینگسیا اسلامک فرینڈلی کونسل دے سربراہ ہی لیانگ جی وی موجود ہن ۔ نمائش دے افتتاح دے موقعے تے صحافیوں نال گالھ مہاڑ کریندے ہوئیں وفاقی وزیر اطلاعات و نشریات سینیٹر پرویز رشید آکھیا جو اسلام آباد اچ ایں نمائش کوں کراونڑ دا مقصد پاکستان اتے چین دے لوکیں وچال ثقافتی تے گہرے برادرانہ تعلقات ، چین دی حکومت دی نسلی مساوات اتے مذہبی آزادی دی پالیسی، جیندے پاروں چین اچ مسلمان ہکوسنویں حقوق توں فیدہ چیندے پئے ہن ، کوں ظاہر کریندے ۔ سینیٹر پرویز رشید آکھیا جو چین پاکستان اقتصادی راہداری شاہراہ ریشم دے نال تعمیر کیتی ویندی پئی ہے جیندے نال پاک چین تعلقات کو ںبیا ٹھوس اقتصادی بنیاداں ملسن۔ ڈوہائیں ملکاں وچال تعلقات ہنڑ کارپوریٹ اتے کلچرل ڈوہائیں پہلوواں اچ تبدیل تھی سگسن۔
