اکادمی ادبیات پاکستان اچ یومِ پاکستان دے موقعے تے 23 مارچ کوں ہک پروقار تقریب پرچم کشائی

اسلام آباد (اے پی پی)اکادمی ادبیات پاکستان اچ یومِ پاکستان دے موقعے تے 23 مارچ 2026 کوں ہک پروقار تقریب پرچم کشائی دا اہتمام کیتا گیا۔ تقریب اچ قیصرہ علوی، جبار مرزا،  فریدہ حفیظ، افشاں عباسی،  امداد آکاش اور صدر نشین اکادمی پروفیسر ڈاکٹر نجیبہ عارف توں علاوہ نائب ناظم میر نواز سولنگی، نائب ناظم ڈاکٹر بی بی امینہ، افسرِ انتظامیہ  رفیقہ نازلی تےاکادمی دے عملے سمیت ڈوجھے معززین شریک تھئے۔تقریب پرچم کشائی تے قومی ترانے نال شروع تھئی جیندے بعد جبار مرزا  ملک دی سلامتی، استحکام تےترقی کیتے خصوصی دعا کروائی۔ ایں موقعے تے شرکا وطن عزیز کیتے آپدی جڑت تے یک جہتی دا اظہار کیتا۔ایں توں بعد چاہ پیونڑ آلی ہک غیر رسمی نشست رکھی گئی جیندے اچ تریخ دے مختلف ادوار تے متنوع ادبی و سماجی موضوعات تے گالھ مہاڑ کیتی گئی ۔ گھٹ ودھ ہک گھنٹے تئیں جاری رہنونڑ آلی ایں والی ایں نشست اچ شرکا صدر نشین اکادمی پروفیسر ڈاکٹر نجیبہ عارف دے کردار کوں وی سراہا جو انھاں آپدے دور اچ قیادت اچ مکالمے، فکری تبادلے تے ادبی سرگرمیاں کوں فروغ ڈتا ، جیڑھا موجودہ دور دی اہم ضرورت اے۔اے تقریب خوشگوار تے باوقار ماحول اچ مک گئی جتھاں قومی جذبے، فکری ہم آہنگی اتے ادبی روایات دے ودھارے دا نشابر اظہار ڈیکھنڑ کو ملیا ۔

( ڈاکٹر سعدیہ کمال )