اسلام آباد۔ 25 مارچ(اے پی پی) ڈائریکٹر جنرل ریڈیو پاکستان سعید احمد شیخ ریڈیو پاکستان بہاولپور دا دورہ کیتے جتھاں انھاں چاردیواری دی تعمیر دے منصوبے دی بنیاد رکھݨ دی تقریب اچ شرکت کیتی۔ ایں موقعے تے ادارے دے انفراسٹرکچر دی بہتری دا اہم منصوبہ باقاعدہ شروع کیتا ڳیا۔ بہاول پور دفتر دورے دے موقعے تے اسٹیشن ڈائریکٹر سجاد احمد بری ڈائریکٹر جنرل کوں شیلڈ اتے روایتی اجرک پیش کیتی۔ …
ڈی جی ریڈیو پاکستان سعید احمد شیخ دا بہاول پور دفتر دورہ
مزید خبراں
اسلام آباد۔ 25 مارچ(اے پی پی) ڈائریکٹر جنرل ریڈیو پاکستان سعید احمد شیخ ریڈیو پاکستان بہاولپور دا دورہ کیتے جتھاں انھاں چاردیواری دی تعمیر دے منصوبے دی بنیاد رکھݨ دی تقریب اچ شرکت کیتی۔ ایں موقعے تے ادارے دے انفراسٹرکچر دی بہتری دا اہم منصوبہ باقاعدہ شروع کیتا ڳیا۔ بہاول پور دفتر دورے دے موقعے تے اسٹیشن ڈائریکٹر سجاد احمد بری ڈائریکٹر جنرل کوں شیلڈ اتے روایتی اجرک پیش کیتی۔ ڈی جی ریڈیو شیلڈ اتے اجرک دا تحفہ ݙیوݨ تے شکریہ ادا کریندے ایکوں ادارے نال جڑت اتے محبت دا سنیہا قرار ݙتا۔ ڈائریکٹرجنرل سعید احمد شیخ آکھیا جو اطلاعات اتے نشریات دے وفاقی وزیر دی ہدایت اتے دلچسپی پاروں ریڈیو پاکستان بہاول پور دی ٻھڄی ترٹی چاردیواری ٻݨاوݨ دا منصوبہ شروع کیتے جیڑھا تیکھے مکمل تھیسی، ریڈیو پاکستان بہاول پور خطے دی سنڄاݨ اے ڄئیں 1975ء توں اڄ تئیں عوام اچ شعور جڳاوݨ ، ادب اتے فن دے ودھارے اتے زرعی و صنعتی ترقی اچ وݙا نشابر کردار نبھائے۔ انہاں آکھیے جو ریڈیو پاکستان ہک قومی ادارہ اے جیڑھا ملک اچ معلومات، تعلیم اتے تفریح کیتے اہم کردار نبھیندا پئے ڄڈاں جو بہاول پور اسٹیشن دی کارکردگی وی قابل تعریف اے۔ ڈائریکٹر جنرل یقین ݙیوائے جو بہاولپر ریڈیو سٹیشن دے انفراسٹرکچر کوں اڄوکے دور دے مطابق جدید اتے چنڳاں ٻݨایا ویسی تاں جو اے ادارہ مستقبل اچ وی آپݨیاں خدمات مؤثر طریقے نال جاری رکھ سگے۔
