اسلام آباد۔ 26 مارچ(اے پی پی)ضلع بہاولپور دے صحرائے چولستان اچ پیر چنݨ دے مزار تے سالانہ میلہ شروع تھی ڳئے۔ پورے ملک توں ذائرین وݙی تعداد میلے اچ شرکت کیتے پڄدی پئی اے جتھاں کھاوݨ پیوݨ دیاں شئیں ونکو ونک دیاں مٹھائیاں،روزانہ استعمال دیاں روزیتی شئیں اتے مقامی روایتی تے ثقافتی رنگاں دے مختلف سٹال لائے ڳن۔ میلے اچ ٻالاں دی تفریح کیتے مختلف کھیݙاں دے سٹالز وی دلچپسی …
صحرائے چولستان دے مشہور صوفی بزرگ پیر چنݨ دا میلہ سڄ ڳئے
مزید خبراں
اسلام آباد۔ 26 مارچ(اے پی پی)ضلع بہاولپور دے صحرائے چولستان اچ پیر چنݨ دے مزار تے سالانہ میلہ شروع تھی ڳئے۔
پورے ملک توں ذائرین وݙی تعداد میلے اچ شرکت کیتے پڄدی پئی اے جتھاں کھاوݨ پیوݨ دیاں شئیں ونکو ونک دیاں مٹھائیاں،روزانہ استعمال دیاں روزیتی شئیں اتے مقامی روایتی تے ثقافتی رنگاں دے مختلف سٹال لائے ڳن۔ میلے اچ ٻالاں دی تفریح کیتے مختلف کھیݙاں دے سٹالز وی دلچپسی کیتے موجود ہین۔
ایں موقع تے قوالیاں، ݙوھڑے ٹپے اتے گیت وی ڳائے ویسن جیندے کیتے مقامی لوک فنکار وی پڄیے ہوئن۔ علاقے دے معروف صوفی بزرگ حضرت پیر چنݨ 638 ہجری کوں ڄمیے ہن۔ مقامی سرائیکی زبان اچ چنݨ دا مطلب چندر یا چن آکھیا ویندے ڄئیں علاقے اچ تصوف دا سوجھلا کھنݙایا۔
انہاں دے مزار تے ہر سال موسم بہار اچ میلہ سڄایا ویندے جتھاں وݙی تعداد اچ لوک شرکت کریندن۔
