فخر زمان دا پی ایس ایل 11 اچ ہک ٻیا اعزاز، 3 ہزار رنز مکمل

لاہور۔ 27 مارچ(اے پی پی)لاہور قلندرز دے مشہور بلے باز فخر زمان پاکستان سپر لیگ (PSL) اچ ہک ٻیا وݙا اعزاز اپݨے ناویں کر ڳھدے۔ انہاں قذافی اسٹیڈیم لاہور اچ پی ایس ایل 11 دے پہلے میچ اچ اے سنگِ میل پار کیتے۔ انہاں اپݨی 98 ویں اننگز اچ لیگ دی تاریخ اچ 3 ہزار رنز مکمل کیتن۔ او بابر اعظم دے بعد اے کارنامہ انجام ݙیوݨ والے ݙوڄھے کھلاڑی ٻݨ ڳئن۔ بابر اعظم 3,792 رنز نال ایں فہرست اچ سب توں اڳو ہین۔