پٹرولیم قیمتاں اتے سبسڈی بارے وزیرِ خزانہ دی صدارت اچ اعلیٰ سطح دا اجلاس

اسلام آباد۔31 مارچ(اے پی پی) وفاقی حکومت اتے صوبیاں دی اعلیٰ سیاسی قیادت وچال پٹرولیم مصنوعات دی قیمتاں اتے سبسڈی دے طریقہ کار تے ہک اعلیٰ سطح دا اجلاس وزارتِ خزانہ اچ وفاقی وزیرِ خزانہ و محصولات سینیٹر محمد اورنگزیب دی صدارت اچ تھئے۔ اجلاس اچ ویڈیو لنک تے وزیراعلیٰ پنجاب مریم نواز، وزیراعلیٰ سندھ سید مراد علی شاہ اتے خیبر پختونخوا دے وزیرِ خزانہ مزمل اسلم شرکت کیتی، جڈاں جو وزیراعلیٰ بلوچستان میر سرفراز احمد بگٹی وی اجلاس اچ موجود ہن۔ اجلاس اچ چارے صوبیاں دے چیف سیکرٹریز ویڈیو لنک تے، وفاقی وزیرِ پٹرولیم علی پرویز ملک، وفاقی وزیر برائے اقتصادی امور احد چیمہ، وفاقی وزیر برائے آئی ٹی و ٹیلی کمیونیکیشن شزہ فاطمہ خواجہ توں علاوہ وزارتِ خزانہ، پٹرولیم اتے آئی ٹی دے وفاقی سیکرٹریز اتے متعلقہ ریگولیٹری اداریاں دے سینئر حکام وی شریک ہن۔ وزیرِ خزانہ آکھیا جو اے اجلاس اعلیٰ سیاسی قیادت دی رہنمائی اچ جاری مشاورتی عمل دا تسلسل اے جیندا مقصد پٹرولیم قیمتاں اتے سبسڈی اصلاحات کیتے ہک پائیدار حکمتِ عملی ٻݨاوݨ اے، جیندے نال عام آدمی کوں فائدہ تھیسی۔ اجلاس اچ عام سبسڈی دے نظام توں ہٹ تے صرف ضرورتمند طبقے کوں پائیدار اتے مؤثر معاونت دے فریم ورک دو منتقل تھیوݨ تے تفصیلی غور کیتا گیا۔ صوبائی حکومتاں اپݨی انتظامی صلاحیت، موجود ڈیٹا اتے سماجی و معاشی حالات دے مطابق مختلف تجویزاں تے اپنا نقطہ نظر پیش کیتا۔ اجلاس اچ سبسڈی دی فراہمی کیتے ممکنہ طریقہ کار، بشمول موجودہ ڈیٹا بیس، ڈیجیٹل پلیٹ فارمز اتے نقد رقم دی منتقلی دے نظام تے وی غور تھیا۔ ݙسایا ڳیا جو مستقبل دی کہیں وی سبسڈی سکیم دے ڈیزائن تے نفاذ اچ شفافیت، جوابدہی اتے بہتر طرزِ حکمرانی کوں یقینی ٻݨایا ونڄے اتے ایں سانڳے قومی سطح تے ہک جامع حکمتِ عملی سودھا صوبائی سطح تے عملدرآمد اچ لچک دی لوڑھ اے۔  اے اتفاق تھئے جو ہدفی سبسڈی دے ممکنہ نظام دا ہک خاکہ ٻݨا تے متعلقہ فریقین نال شیئر کیتا ویسی، صوبے اپݨیاں تجویزاں کوں ٻیا بہتر ٻݨیسن تاں جو ہک متفقہ اتے قابلِ عمل حل ڳولیا ونڄے۔