انطالیہ۔ 17 اپریل(اے پی پی)وزیرِ اعظم محمد شہباز شریف ترکیہ دے صدر رجب طیب ایردوان، امیرِ قطر شیخ تمیم بن حمد الثانی، قازقستان دے صدر قاسم جومارت توکائیف، آذربائیجان دے صدر الہام علیوف، شام دے صدر احمد الشرح سودھا مختلف ملکاں دے صدور اتے عالمی رہنماواں نال غیر رسمی ملاقاتاں کیتن۔ وزیر اعظم آفس دے میڈیا ونگ ولوں جاری بیان دے مطابق، وزیر اعظم دیاں عالمی رہنماواں نال اے ملاقاتاں …
وزیرِ اعظم شہباز شریف دی مختلف ملکاں دے صدور تے عالمی رہنماواں نال ملاقاتاں
مزید خبراں
انطالیہ۔ 17 اپریل(اے پی پی)وزیرِ اعظم محمد شہباز شریف ترکیہ دے صدر رجب طیب ایردوان، امیرِ قطر شیخ تمیم بن حمد الثانی، قازقستان دے صدر قاسم جومارت توکائیف، آذربائیجان دے صدر الہام علیوف، شام دے صدر احمد الشرح سودھا مختلف ملکاں دے صدور اتے عالمی رہنماواں نال غیر رسمی ملاقاتاں کیتن۔ وزیر اعظم آفس دے میڈیا ونگ ولوں جاری بیان دے مطابق، وزیر اعظم دیاں عالمی رہنماواں نال اے ملاقاتاں انطالیہ ڈپلومیسی فورم دے موقع تے تھئین۔ وزیرِ اعظم دی ترک صدر رجب طیب ایردوان، امیرِ قطر شیخ تمیم بن حمد الثانی، قازقستان دے صدر قاسم جومارت توکائیف، آذربائیجان دے صدر الہام علیوف اتے شامی صدر احمد الشرح نال ملاقاتاں اچ خوشگوار ماحول رہے اتے غیر رسمی ڳالھ مہاڑ کیتی ڳئی۔ وزیرِ اعظم دی قطر دے وزیرِ اعظم اتے وزیرِ خارجہ شیخ محمد بن عبدالرحمن بن جاسم الثانی اتے کوسوو دی سابق صدر ویوسا عثمانی نال وی ملاقات تھئی۔ پاکستان ولوں مشرقِ وسطیٰ اتے خلیج اچ جنگ بندی اتے امن دے قیام کیتے مذاکرات دی کوششاں تے پاکستانی قیادت دے متحرک کردار پاروں وزیرِ اعظم عالمی رہنماواں دی توجہ دا مرکز ٻݨیے رہین۔ انہاں ملاقاتاں اچ عالمی اتے خطے دی صورتحال تے وی ڳالھ مہاڑ کیتی گئی۔
