آبنائے ہرمز کھلݨ ہک تاریخی موقع، امریکی صدر پاکستان، وزیراعظم شہباز شریف، فیلڈ مارشل سید عاصم منیر توں ݙاݙھے خوش

اسلام آباد۔ 17 اپریل (اے پی پی)آبنائے ہرمز کھلݨ دے اعلان تے امریکی صدر ڈونلد ٹرمپ ݙاݙھے خوش ہین اتے انہاں ایں موقعے کوں پوری دنیا کیتے شاندار قرار ݙیندے پاکستان، وزیراعظم شہباز شریف ، فیلڈ مارشل سید عاصم منیر کو خراج تحسین پیش کیتے۔ سماجی رابطے دی سائٹ ٹروتھ سوشل تے اپݨے سنیہے اچ ڈونلڈ ٹرمپ آکھیے جو شکریہ پاکستان، شکریہ وزیراعظم، شکریہ فیلڈ مارشل، ݙوہیں شاندار شخصیات ہین۔

امریکی صدر ٹرمپ آکھیے جو اڄ دا ݙینھ پوری دنیا کیتے ہک شاندار اے۔ ایں توں پہلے انہاں آکھیے جو ایران آبنائے ہرمز کوں مکمل طور تے کھولݨ دا اعلان کیتے جیندے تے انہاں دا شکر گزار ہاں، ہݨ آبنائے ہرمز مکمل طور تے کھلیا ہوئے اتے کاروبار کیتے مکمل تیار اے، معاہدے تئیں ایران دی بحری ناکہ بندی جاری رہسی، معاہدہ تیکھے تھیوݨا چاہیدے، اکثرا نکات پہلے ہی طے تھی چکین۔