اساں کوں اپݨی مادری زباناں تے فخر کرݨا چاہیدے۔ پریشان ہاں جو اپݨی ڳالھ سرائیکی اچ کراں یا ول اردو اچ کراں، ڈاکٹر نیاز اختر دا حیدرآباد اچ مادری زباناں دی تقریب توں خطاب

اسلام آباد۔ 21 اپریل (اے پی پی) چیئرمین ہائر ایجوکیشن کمیشن اسلام آباد پروفیسر ڈاکٹر نیاز احمد اختر آکھیے جو جݙاں وی ملک دے وݙے فورمز تے سندھ دے اعلیٰ تعلیمی اداریں تے تحقیق دی ڳالھ تھیندی اے تاں ساریں توں پہلے مہران یونیورسٹی دا ناں ڳھدا ویندے۔ مہران یونیورسٹی انجینئرنگ دی بنیادی ٹیکنالوجیز اچ بہترین انجینئرز پیدا کیتن۔ مادری زباناں دے حوالے نال منعقدہ تقریباں اچ گھٹ توں گھٹ اپݨی مادری زباناں اچ ڳالھ مہاڑ تھیوݨی چاہیدی اے۔چیئرمین ہیک پروفیسر ڈاکٹر نیاز احمد اختر مہران یونیورسٹی اچ مادری زباناں دے حوالے نال منعقدہ عالمی سمپوزیم تے وزیراعظم یوتھ لیپ ٹاپ اسکیم دے تحت لیپ ٹاپ ونڈݨ دی تقریب توں خطاب کریندے پئے ہن۔ پروفیسر ڈاکٹر نیاز احمد اختر آکھیے جو مادری زباناں دی تقریب اچ وی اساں انگریزی اچ ڳالھ کریندوں ۔ میں ہݨ پریشان ہاں جو اپݨی ڳالھ سرائیکی اچ شروع کراں یا اردو اچ کراں ۔ انھاں آکھیا جو اساں کوں اپݨی مادری زباناں تے ماݨ کرݨا چاہیدے