اقوامِ متحدہ دا امریکہ-ایران جنگ بندی اچ توسیع دا خیرمقدم، پاکستان دے کردار دی تعریف

اقوامِ متحدہ۔ 22 اپریل (اے پی پی) اقوامِ متحدہ دے سیکریٹری جنرل انتونیو گوتریش امریکہ تے ایران وچال جنگ بندی اچ توسیع دا خیرمقدم کریندے اینکوں کشیدگی اچ کمی دے پاسے اہم قدم قرار ݙتے۔ اقوامِ متحدہ دے ترجمان اسٹیفن دوجارک بیان اچ آکھیے جو اے پیش رفت ݙوہیں ملکاں وچال سفارت کاری تے اعتماد سازی کیتے اہم موقع ݙیندی اے۔رپورٹ موجب اقوامِ متحدہ دے سیکریٹری جنرل امریکہ تے ایران وچال مذاکرات اچ سہولت کاری دیاں کوشِشاں اچ پاکستان دے کردار دی تعریف کیتی اے ۔ اے پیشرفت اوں ویلھے سامݨے آئی جݙاں سابق امریکی صدر ڈونلڈ ٹرمپ جنگ بندی اچ توسیع دا اعلان کیتا تاں جو ایران کوں ہک مشترکہ تجویز تیار کرݨ دا ویلھامل سڳے۔