جنوبی پنجاب، سندھ اچ ہیٹ ویو متوقع، ماہرین دی حفاظتی تدابیر ورتݨ دی ہدایت

اسلام آباد۔ 25 اپریل (اے پی پی) معروف ماہرِ ماحولیات وارننگ جاری کریندے جنوبی پنجاب، کراچی تے سندھ دے ٻئے علاقیں دے رہائشیاں تے زور ݙتے جو آوݨ آلی متوقع ہیٹ ویو دے حوالے نال اضافی احتیاطی تدابیر ورتن ، مئی اچ درجہ حرارت 44 توں 47 ڈگری سینٹی گریڈ رہݨ دے نال موسم رُکھا رہݨ دی توقع اے۔چھݨ چھݨ وار کوں ہک مقامی چینل نال ڳالھ کریندے ماحولیاتی مسئلیں تے موسمیاتی تحقیق دے ماہر ڈاکٹر ذوالفقار خبردار کیتا جو جنوبی پنجاب اچ مئی اچ ہیٹ ویو دا امکان اے جݙاں جو شدید درجہ حرارت پہلے توں ہی سندھ تے کراچی کوں متاثر کریندا پئے ۔ انھاں وضاحت کیتی جو 4 تے 5 مئی کوں ہلکا مینھ وس دڳدے جݙاں جو مئی توں جون تئیں موسم مجموعی طور تے گرم رہݨ دی توقع اے۔ انھاں شہریاں تے زور ݙتا جو گرمی دی لہر آندے ہی احتیاطی تدابیر ورتن ، ٹھڈے تے ہائیڈریٹ رہݨ دی کوشِش کرن ۔ انھاں مشورہ ݙتا جو گرمی دے زیادہ اوقات اچ غیر ضروری ٻاہرلے کماں توں گریز کرن، ہلکے کپڑے پاون تے ہائیڈریشن کوں یقینی بݨاون ۔ انھاں ایں ڳالھ تے وی زور ݙتا جو ٻالاں، ٻڈھیں تے صحت دے مسئلیں اچ مبتلا لوکاں کیتے خاص ݙیکھ بھال دی لوڑھ اے۔ انھاں کھلے برتناں اچ پاݨی رکھ تے کمریں اچ نمی برقرار رکھݨ دی وی سفارش کیتی اے۔ رُکھے موسمی حالات دے برقرار رہݨ دی توقع دے نال ڈاکٹر ذوالفقار خبردار کیتا جو اے موسم پاݨی دی قلت تے ٻئے ماحولیاتی چیلنجز دا باعث بݨ سڳدے ۔ انھاں مقامی حکام تے کمیونٹیز تے زور ݙتا جو آوݨ آلی گرمی کیتے تیار رہن۔