اکادمی ادبیات پاکستان ولوں سال 2024 دے کمالِ فن تے قومی ادبی انعامات دا اعلان

اسلام آباد۔29 اپریل (اے پی پی سرائیکی نیوز سروس) اکادمی ادبیات پاکستان ولوں منے پرمنّے لکھاریاں دی ادبی خدمات دے اعتراف اچ “کمالِ فن ایوارڈ 2024” کیتے معروف ادیب عطاء الحق قاسمی کوں چُݨیا ڳئے‏۔ ایندا اعلان اکادمی ادبیات پاکستان دی صدر نشین ڈاکٹر نجیبہ عارف ایوارڈ کمیٹی دے اجلاس دے بعد پریس کانفرنس اچ کیتے‏۔ “کمالِ فن ایوارڈ” ملک دا سب توں وݙا ادبی ایوارڈ اے، جئیں دی رقم 1,000,000 (ݙاہ لکھ روپے) اے‏۔ 2024 دے ایں ایوارڈ دا فیصلہ پاکستان دے معتبر تے مستند اہل دانش تے مشتمل منصفین دے پینل کیتے جئیں اچ کشور ناہید، ڈاکٹر انعام الحق جاوید، محمد اظہار الحق، محمود شام، اصغر ندیم سید، شعیب بن عزیز، ڈاکٹر عبدالرزاق صابر، محمد حفیظ خان، یاسمین حمید، محمد حمید شاہد، ڈاکٹر اباسین یوسفزئی، ڈاکٹر شیر مہرانی، ڈاکٹر بیزن بلوچ، احمد حسین مجاہد تے فریدہ حفیظ شامل ہن‏۔ اجلاس دی صدارت کشور ناہید کیتی‏۔ “کمالِ فن ایوارڈ” ہر سال کہیں وی ہک پاکستانی لکھاری کوں انھاں دی پوری حیاتی دی ادبی خدمات دے اعتراف دے طور تے ݙتا ویندے‏۔ اے ملک دا سب توں وݙا ادبی ایوارڈ اے جئیں دا آغاز اکادمی ادبیات پاکستان 1997 اچ کیتا ہئی‏۔

ہݨ تئیں اکادمی ادبیات پاکستان ولوں احمد ندیم قاسمی، انتظار حسین، مشتاق احمد یوسفی، احمد فراز، شوکت صدیقی، منیر نیازی، ادا جعفری، سوبھو گیان چندانی، ڈاکٹر نبی بخش خان بلوچ، جمیل الدین عالی، محمد اجمل خان خٹک، عبداللہ جان جمالدینی، محمد لطف اللہ خان، بانو قدسیہ، محمد ابراہیم جویو، عبداللہ حسین، افضل احسن رندھاوا، فہمیدہ ریاض، کشور ناہید، امر جلیل، ڈاکٹر جمیل جالبی، منیر احمد بادینی، اسد محمد خاں، ظفر اقبال، حسن منظر تے افتخار عارف کوں اے ایوارڈ ݙتے ونڄ چکین۔ ایں موقع تے “قومی ادبی ایوارڈز” برائے سال 2024 دا وی اعلان کیتا ڳیا‏۔ چیئرپرسن اکادمی ادبیات پاکستان ڈاکٹر نجیبہ عارف پریس کانفرنس اچ قومی ادبی ایوارڈز دا اعلان کریندے ہوئیں ݙسایا جواردو نثر (تخلیقی ادب۔ فکشن): حفیظ خان دی کتاب “ہر ایک جنم کی جانما” کوں سعادت حسن منٹو ایوارڈ ݙتا گیا (منصفین: محمد حمید شاہد، ڈاکٹر طاہرہ اقبال، خالد فتح محمد)‏۔ اردو نثر (تخلیقی ادب۔ نان فکشن) محمد اظہار الحق دی کتاب “سمندر جزیرے اور جدائیاں” کوں مشتاق احمد یوسفی ایوارڈ ݙتا گیا (منصفین: اصغر ندیم سید، شاہین مفتی، عرفان جاوید)‏۔ اردو نثر (تحقیقی و تنقیدی ادب) ڈاکٹر واحد بخش بزدار دی کتاب “بلوچی زبان تاریخ وارتقا” کوں بابائے اردو مولوی عبدالحق ایوارڈ ݙتا گیا (منصفین: ڈاکٹر معین الدین عقیل، ڈاکٹر ابرار عبداسلام، ڈاکٹر تنظیم الفردوس)‏۔ اردو شاعری جلیل عالی دی کتاب “آگے ہمارا خواب ہے” کوں ڈاکٹر علامہ محمد اقبال ایوارڈ ݙتا گیا (منصفین: انور شعور، ڈاکٹر ریاض مجید، خواجہ رضی حیدر)‏۔ پنجابی شاعری: صغیر تبسم دی کتاب “اردو بولن والے کڑیے” کوں سید وارث شاہ ایوارڈ ݙتا گیا‏۔ پنجابی نثر اکمل شہزاد گھمن دی کتاب “پنجرے وچ آہلنا” کوں افضل احسن رندھاوا ایوارڈ ݙتا گیا (منصفین: الیاس گھمن، ثروت محی الدین، حمید راز)‏۔ سندھی شاعری امداد حسینی دی کتاب “سنڌوءَ جي ڪناري” کوں شاہ عبدالطیف بھٹائی ایوارڈ ݙتا گیا‏۔ سندھی نثر ڈاکٹر فہمیدہ حسین دی کتاب “ڪنڍي ڪلين وچ ۾” کوں مرزا قلیچ بیگ ایوارڈ ݙتا گیا (منصفین: ڈاکٹر منظور علی ویسریو، ڈاکٹر محمد علی مانجھی، اکبر سومرو)‏۔ پشتو شاعری رحمت شاہ سائل دی کتاب “د محبت د انقلاب سندرے” کوں خوشحال خان خٹک ایوارڈ ݙتا گیا‏۔ پشتو نثر ڈاکٹر محمد اسلم تاثیر دی کتاب “د ژوند فلسفہ د حمزہ شنواری پہ نظر کښې” کوں محمد اجمل خان خٹک ایوارڈ ݙتا گیا (منصفین: ڈاکٹر سلمیٰ شاہین، ڈاکٹر عبدالکریم بریالے، ڈاکٹر یار محمد مغموم)‏۔ بلوچی شاعری اللہ بشک بزدار دی کتاب “ہمے کوہانی پچار انت” کوں مست توکلی ایوارڈ ݙتا گیا‏۔ بلوچی نثر نازل مولا بخش دی کتاب “بتل: اَرزِشت ءُ روایت” کوں سید ظہور شاہ ہاشمی ایوارڈ ݙتا گیا (منصفین: منیر احمد بادینی، محمد ایوب بلوچ، پناہ بلوچ)‏۔ سرائیکی شاعری: محبوب تابش دی کتاب “پاݨی ست کھوہیں دا” کوں خواجہ غلام فرید ایوارڈ ݙتا گیا‏۔ سرائیکی نثر عامر فہیم دی کتاب “ہک تریڑ تریہہ” کوں ڈاکٹر مہر عبدالحق ایوارڈ ݙتا گیا (منصفین: حفیظ خان، قاسم سیال، رفعت عباس)‏۔ براہوئی شاعری حسن ندیم دی کتاب “سیپا چک” کوں تاج محمد تاجل ایوارڈ ݙتا گیا‏۔ براہوئی نثر بہاول نسیم بنگلزئی دی کتاب “ادب نا استارک” کوں غلام نبی راہی ایوارڈ ݙتا گیا (منصفین: سوسن براہوئی، نور خان محمد حسنی، ڈاکٹر عبدالرزاق صابر)‏۔ ہندکو شاعری افضل ہزاروی دی کتاب “ڈوہنگیاں سوچاں” کوں سائیں احمد علی ایوارڈ ݙتا گیا‏۔ ہندکو نثر نصرت نسیم دی کتاب “کھلی اکھیاں دا خاب” کوں خاطر غزنوی ایوارڈ ݙتا گیا (منصفین: احمد حسین مجاہد، گل ارباب، اسماعیل گوہر)‏۔ انگریزی نثر فریال علی گوہر دی کتاب “An Abundance of Wild Roses” کوں پطرس بخاری ایوارڈ ݙتا گیا‏۔ انگریزی شاعری محمد اطہر طاہر دی کتاب “Telling Twilight” کوں داؤد کمال ایوارڈ ݙتا گیا (منصفین: یاسمین حمید، منیزہ ہاشمی، محمد افسر ساجد)‏۔ ترجمہ شوکت نواز نیازی دی کتاب “ڈیوان” کوں محمد حسن عسکری ایوارڈ ݙتا گیا (منصفین: ڈاکٹر رؤف پاریکھ، ڈاکٹر محمد سلیم مظہر، انور سن رائے)‏۔

قومی ادبی انعام حاصل کرݨ آلی ہر کتاب دے لکھاری کوں ݙو ݙو لکھ روپے بطور انعامی رقم ݙتے ویسن‏۔ ایندے علاوہ سال 2024 توں اکادمی ادبیات پاکستان گلگت بلتستان دی زباناں دے حوالے نال وی انعامات دا سلسلہ شروع کیتے جئیں دا ناں “گلگت بلتستان ادبی انعام” رکھا ڳئے‏۔ ایں سلسلے اچ افضل روش دے بلتی ناول “شَہ سَر” (منصفین: یوسف حسین آبادی، محمد قاسم نسیم، محمد حسن حسرت) تے فرید احمد رضا دے کھوار زبان اچ چھپݨ آلے افسانوی مجموعے “اُورائے” (منصفین: ڈاکٹر عنایت اللہ فیضی، شہزادہ تنویر ملک، جناب عبدالکریم کریمی) کوں سانجھا طور تے انعام دا حقدار قرار ݙتا ڳئے‏۔ انھاں ݙوہیں کتاباں دے لکھاریاں کوں ہک ہک لکھ روپے بطور انعامی رقم ادا کیتی تھیسی‏۔

ڈاکٹر سعدیہ کمال