پاکستان پیپلز پارٹی میٹرو پولیٹن کارپوریشن بہاول پور ولوں یومِ مزدور دے موقع تے ریلی

اسلام آباد۔1مئی  (اے پی پی) پاکستان پیپلز پارٹی میٹرو پولیٹن کارپوریشن بہاول پور ولوں یومِ مزدور دے موقع تے شکاگو دے شہدا کوں خراجِ عقیدت پیش کرݨ تے مزدور طبقے نال یکجہتی دے اظہار کیتے ریلوے اسٹیشن توں چوک فوارہ تئیں ہک شاندار تے تاریخی ریلی کڈھی ڳئی۔ ریلی اچ مزدوراں، کساناں، پارٹی کارکناں، تاجراں، سول سوسائٹی دے نمائندیاں تے شہریاں دی ہک ٻہوں وݙی تعداد شرکت کیتی۔ شرکاء ٹریکٹر ٹرالیاں، ٻیل گاݙیاں، موٹر سائیکلاں، رکشیاں تے ٻیاں سواریاں تے سوار تھی کراہیں ریلی اچ شریک تھئے جݙݨ جو کئی بندے پیدل وی جلوس دے نال موجود ہن۔ ریلی دے شرکاء ہتھاں اچ پارٹی پرچم، بینرز تے پلے کارڈز چاتی کھڑے ہن جنھاں اتے یومِ مزدور دی اہمیت، مزدوراں دے حقوق، اجرت اچ اضافے، روزگار دے موقع تے محنت کش طبقے دے مسئلیاں دے حل دے حوالے نال نعرے لکھے ہوئے ہن۔ ریلی دے دوران جیالیاں تے کارکناں پاکستان پیپلز پارٹی دے حق اچ تاے مزدوراں دے حقوق کیتے رج تے نعرے بازی کیتی جیندے نال شہر دی فضا گونج اٹھی۔ ریلی دی قیادت پاکستان پیپلز پارٹی میٹرو پولیٹن کارپوریشن بہاول پور دے صدر ملک امتیاز چنڑ، صاحبزادہ عاصم عباسی، پیپلز لائرز فورم دے صدر رائے عتیق ایڈووکیٹ، سینئر رہنماواں تے ٻئے عہدیداران کیتی۔ ایں موقع تے مقررین خطاب کریندیں ہوئیں آکھیا جو یکم مئی پوری دنیا دے محنت کشاں کیتے جدوجہد، قربانی تے عزم دا ݙینہہ اے۔ شکاگو دے شہدا آپݨے خون نال مزدور تحریک دی بنیاد مضبوط کیتی تے اج دنیا بھر دے مزدور انھاں قربانیاں پاروں آپݨے حقوق دی جنگ لڑدے پئن۔ انہاں آکھیا جو پاکستان پیپلز پارٹی ہمیشہ مزدور، کسان، غریب تے متوسط طبقے دی نمائندہ جماعت رہی اے۔ شہید ذوالفقار علی بھٹو ملک اچ مزدور دوست پالیسیاں متعارف کروایاں جݙݨ جو محترمہ بے نظیر بھٹو شہید وی محنت کش طبقے دے حقوق دے تحفظ کیتے عملی اقدامات کیتے۔ پارٹی قیادت اج وی مزدوراں، کساناں تے پسماندہ طبقیاں دے مسئلیاں دے حل کیتے کوشاں اے۔

مقررین آکھیا جو موجودہ مہنگائی، بے روزگاری تے معاشی مشکلاں مزدور طبقے دی زندگی اجیرن بݨا ݙتی اے۔ ہک محنت کش سویل توں شام تئیں کم کرݨ دے باوجود آپݨے گھر آلیاں دی بنیادی ضرورتوں پوریاں کرݨ توں قاصر اے۔ حکومت کوں چاہیدے جو گھٹ توں گھٹ اجرت اچ فوری اضافہ کرے، صنعتی اداریاں اچ مزدور قوانین تے عمل درآمد یقینی بݨایا ونڄے، سوشل سکیورٹی، ہیلتھ سہولتوں تے پنشن نظام کوں بہتر بݨایا ونڄے۔ریلی اپنے مقررہ رستیاں توں تھیندی ہوئی چوک فوارہ پڄی جتھاں اختتامی اجتماع تھیا۔ ریلی اچ احمد داؤد چوہان ایڈووکیٹ، آصف بھارا ایڈووکیٹ، پیٹر جان مٹو، اختر ہاشمی ایڈووکیٹ، ملک شفقت ایڈووکیٹ، مسعود عزیز ایڈووکیٹ، ابوزر گھلو ایڈووکیٹ، ملک محمد اسحاق ایڈووکیٹ، عدیل اعجاز ایڈووکیٹ، آصف عمران تیجہ ایڈووکیٹ، نعمان سعید ایڈووکیٹ، جاوید کانجو ایڈووکیٹ، جنید بھٹہ ایڈووکیٹ، ملک عدنان ایڈووکیٹ، عبدالقیوم ملک، نذیر بھٹہ ایڈووکیٹ، اجمل جوئیہ، حاجی عطا بھٹہ، عبدالحنان اختر، اقلیتی رہنماء انور جی، کامران علی، حسنین کلیم اللہ، عامر راجپوت، شاہد مسن، گلزار یوسف، اصغر قادری، اللہ ڈوایا بلوچ، رانا شہزاد، نعمان جاوید، حاجی ظہور کھوکھر، شہزاد بھٹی، لیاقت بلوچ، بابا شیر محمد، تنویر بشیر، رشید احمد غوری، رانا حبیب، صلاح الدین، ملک رمضان، مہر رمضان، فیاض چنڑ، علی احسن، حافظ محمد عامر، شبیر احمد، فیضان علی چاند، عبدالغنی، عامر منہاس، علی عمر، محمد حمزہ، محمد اشفاق، ملک عرفان، قاسم ہارون، زاہد محمود، عبدالرازق، محمد رضوان، یاسین، شیخ عاطف، فرقان چنڑ، ملک فاروق، احتشام ڈھاوا، زبیر گل، معاویہ، ارسلان جاوید، محمد سعد، ارحم علی تے ٻئے سینکڑاں کارکنان شریک ہن۔

ڈاکٹر سعدیہ کمال