زرمبادلہ دے ملکی ذخائر اچ جاری مالی سال 2 ارب ڈالر دا ودھارا

اسلام آباد۔ 4 مئی(اے پی پی)زرمبادلہ دے ملکی ذخائر اچ جاری مالی سال مجموعی طور تے 2 ارب ڈالر دا ودھارا ݙٹھا ڳئے۔ ستیٹ بنک موجب گزریل سال جون مکݨ تے زرمبادلہ دے ملکی ذخائر دا حجم 19.269 ارب ڈالر ہا جیندے اچ سٹیٹ بینک کولو زرمبادلہ دے ذخائر دا حجم 14.505 ارب ڈالر اتے کمرشل بینکاں دے زرمبادلہ دے ذخائر دا حجم 4.763 ارب ڈالر ہئی، 24 اپریل کوں مکݨ والے ہفتے اچ زرمبادلہ دے ملکی ذخائر دا حجم 21.269 ارب ڈالر ریکارڈ کیتا گیا جیندے اچ سٹیٹ بینک کولو زرمبادلہ دے ذخائر دا حجم 15.828 ارب ڈالر اتے کمرشل بینکاں کولو زرمبادلہ دے ذخائر دا حجم 5.441 ارب ڈالر ہئی، جاری مالی سال دی شروعات توں ہݨ تئیں سٹیٹ بینک دے زرمبادلہ دے ذخائر اچ 1.322 ارب ڈالر اتے کمرشل بینکاں دے زرمبادلہ دے ذخائر اچ 678 ملین ڈالر دا اضافہ تھئے۔