معرکہ حق پاکستان دی قومی یکجہتی اتے خودمختاری دے تحفظ دی علامت اے، وفاقی وزیر تجارت

اسلام آباد۔10 مئی(اے پی پی)وفاقی وزیر تجارت جام کمال خان آکھیے جو معرکہ حق پاکستان دی قومی یکجہتی، عزم اتے خودمختاری دے تحفظ دی ہک مضبوط علامت بݨ چکے، معرکہ حق ثابت کیتے جو پاکستانی قوم اپݨی افواج نال مونݙھا رلا تے وطن دے دفاع سانگے کٹھے کھڑی اے۔وزارت تجارت ولوں جاری سنیہے اچ وفاقی وزیر آکھیا جو پاک افواج معرکہ حق اچ اعلیٰ پیشہ ورانہ صلاحیت اتے حکمتِ عملی ݙکھائی اے۔ انہاں آکھیا جو پاکستان ہک پرامن ریاست اے جیہڑی مذاکرات تے یقین رکھیندی اے، پر قومی وقار اتے سلامتی تے کوئی سمجھوتہ نئیں کیتا ونڄ سڳدا، قوم اتے افواج دا مضبوط اتحاد ای پاکستان دی سب توں وݙی کامیابی اے۔