اسلام آباد۔ 11 مئی (اے پی پی) وفاقی وزیر خزانہ و محصولات سینیٹر محمد اورنگزیب آکھیے حکومت شفاف، ٹیکنالوجی نال جڑیل تے سہولت ݙیوݨ آلا ٹیکس نظام قائم کرݨ سانڳے پرعزم اے، معاشی تے ٹیکس پالیسیاں کوں موثر تے قابلِ عمل بݨاوݨ سانڳے پیشہ ورانہ اداریں تے صنعتی شعبے دے نمائندیں نال مسلسل رابطہ تے مشاورت ضروری اے۔ اے ڳالھ انہاں سنوار کوں انسٹی ٹیوٹ آف چارٹرڈ اکاؤنٹنٹس آف پاکستان …
حکومت شفاف تے جدید ٹیکس نظام قائم کرݨ سانڳے پرعزم اے، وزیر خزانہ محمد اورنگزیب
مزید خبراں
اسلام آباد۔ 11 مئی (اے پی پی) وفاقی وزیر خزانہ و محصولات سینیٹر محمد اورنگزیب آکھیے حکومت شفاف، ٹیکنالوجی نال جڑیل تے سہولت ݙیوݨ آلا ٹیکس نظام قائم کرݨ سانڳے پرعزم اے، معاشی تے ٹیکس پالیسیاں کوں موثر تے قابلِ عمل بݨاوݨ سانڳے پیشہ ورانہ اداریں تے صنعتی شعبے دے نمائندیں نال مسلسل رابطہ تے مشاورت ضروری اے۔ اے ڳالھ انہاں سنوار کوں انسٹی ٹیوٹ آف چارٹرڈ اکاؤنٹنٹس آف پاکستان (ICAP) دے وفد نال ملاقات وچ آکھی۔ وزیر خزانہ وفد کوں ٹیکس نظام وچ اصلاحات سانڳے جاری اقدامات دا ݙسیندے آکھیے اصلاحات افرادی قوت، طریقہ کار تے جدید ٹیکنالوجی تے مبنی ہن۔ انہاں شفافیت وچ ودھارے، انسانی مداخلت وچ کمی تے ٹیکس دہندگان کوں سہولت ݙیوݨ سانڳے خودکار نظام دی اہمیت تے وی روشنی پاتی۔ وزیر خزانہ آکھیا ٹیکس پالیسی آفس دا فعال تھیوݨ ہک اہم اصلاح اے جیندے نال پالیسی سازی تے انتظامیہ دے درمیان بہتر ہم آہنگی پیدا تھیسی۔ وفد دی قیادت آئی کیپ دے صدر سمیع اللہ صدیقی کیتی جݙاں جو ٻئے شرکاء وچ نائب صدر جہانزیب امین، احمد رضا میر تے کونسل ممبر ذیشان اعجاز شامل ہن۔
