انسانیت سانڳے نرسز دی بیش قدر خدمتاں باعثِ فخر ہن، وزیراعظم شہباز شریف دا پیغام

اسلام آباد۔ 12 مئی (اے پی پی) وزیراعظم محمد شہباز شریف آکھیے اوکھے حالات وچ وی نرسز دا انسانیت دی خدمت سانڳے کلیدی کردار اے، عوام کوں صحت دی بنیادی سہولتاں دی سوکھیں تے موثر فراہمی نرسز دی خدمتاں دے بغیر ممکن کائنی، انسانیت سانڳے انہاں دی بیش قدر خدمتاں باعثِ فخر ہن۔وزیراعظم دفتر دے میڈیا ونگ توں نرسز دے جڳ ݙیھاڑ دے موقع تے جاری پیغام وچ وزیراعظم آکھیا او نرسز دے جڳ ݙیھاڑ تے پوری دنیا تے خاص طور تے پاکستان وچ شعبہ طب نال جڑئے مرد تے تریمت نرسز دی انسانیت سانڳے بے لوث خدمتاں کوں خراجِ تحسین پیش کریندن۔ ایں سال اے ݙینھ “نرسز ساݙا مستقبل۔ بااختیار نرسز زندگی بچیندن” دے عنوان نال منایا ویندا پئے۔ انہاں آکھیا وفاقی حکومت ملک وچ ڈاکٹر تے نرسز دے تناسب کوں ٻیا بہتر کرݨ سانڳے پرعزم اے تے ایں حوالے نال صوبائی حکومتاں نال رل تے حکمتِ عملی تے کم جاری اے۔