ایلیٹ پولیس ٹریننگ سکول دا منصوبہ 31 مئی تئیں مکمل کیتا ونڄے، وزیر داخلہ محسن نقوی دی ہدایت

اسلام آباد۔ 12 مئی (اے پی پی) وفاقی وزیر داخلہ محسن نقوی وفاقی دارالحکومت وچ ایلیٹ پولیس ٹریننگ سکول دا منصوبہ 31 مئی تئیں مکمل کرݨ، نیشنل پولیس اکیڈمی وچ سولر سسٹم لاوݨ تے اکیڈمی دی موجودہ عمارت دی تزئین و آرائش دی ہدایت کیتی اے۔ نیشنل پولیس اکیڈمی دے دورے دے موقع تے انہاں آکھیا ایں سال توں افسراں دی ایلیٹ ٹریننگ صوبیں دے بجائے این پی اے (NPA) وچ کرائی ویسی۔ وزیر داخلہ اکیڈمی وچ آئی ٹی سہولتاں نال لیس 3 نویں کلاس رومز بݨاوݨ، ڈرون تے نائٹ ویژن دے ذریعے تربیت ݙیوݨ تے ڈرائیونگ سکول بݨاوݨ دی وی ہدایت کیتی۔ انہاں آکھیا تفتیشی صلاحیت کوں بہتر بݨاوݨ سانڳے ‘کرائم سین رومز’ بݨائے ونڄن تے سپورٹس کمپلیکس کوں وی جدید بݨایا ونڄے۔ کمانڈنٹ اکیڈمی سعد اختر بھروانہ منصوبیاں تے بریفنگ ݙتی۔