اسلام آباد۔ 12 مئی (اے پی پی) وزیراعظم محمد شہباز شریف لکی مروت دے سرائے نورنگ بازار وچ تھیوݨ آلے دھماکے وچ 2 ٹریفک پولیس اہلکاراں سودھے 7 لوکاں دے شہید تھیوݨ تے ݙکھ تے افسوس دا اظہار کیتے۔ وزیراعظم دفتر دے میڈیا ونگ توں جاری بیان موجب وزیراعظم آکھیا دہشت گردی دے عفریت دے خاتمے سانڳے سارے متعلقہ ادارے تے حکومت غیر متزلزل عزم دے نال بھرپور انداز وچ …
وزیراعظم شہبازشریف دا لکی مروت دھماکے وچ جانی ضیان تے افسوس، مجرماں کوں سزا ݙیوݨ دی ہدایت
اسلام آباد۔ 12 مئی (اے پی پی) وزیراعظم محمد شہباز شریف لکی مروت دے سرائے نورنگ بازار وچ تھیوݨ آلے دھماکے وچ 2 ٹریفک پولیس اہلکاراں سودھے 7 لوکاں دے شہید تھیوݨ تے ݙکھ تے افسوس دا اظہار کیتے۔ وزیراعظم دفتر دے میڈیا ونگ توں جاری بیان موجب وزیراعظم آکھیا دہشت گردی دے عفریت دے خاتمے سانڳے سارے متعلقہ ادارے تے حکومت غیر متزلزل عزم دے نال بھرپور انداز وچ کم کریندے پئن۔ انہاں آکھیا جو دہشت گرداں کوں ملک دے امن تے ترقی دے راہ وچ رکاوٹ بݨݨ دی اجازت کائناں ݙتی ویسی۔ سارے قنون نافذ کرݨ آلے اداریں تے عوام دہشت گردی دے خلاف ایں جدوجہد وچ ٻہوں وݙیاں قربانیاں ݙتن۔ وزیراعظم محمد شہباز شریف واقعے دی انکوائری تکھے مکمل کرتے ذمہ داراں دا تعین کرݨ تے مجرماں کوں کیفرِ کردار تئیں پڄاوݨ دی ہدایت کیتی۔ انہاں دھماکے وچ شہید تھیوݨ آلے لوکاں سانڳے مغفرت تے زخمیاں دی تکھے صحت یابی سانڳے دعا کیتی۔
