اسلام آباد۔ 12 مئی (اے پی پی) وزیراعظم محمد شہباز شریف کساناں کوں وقتی کھاد ݙیوݨ ہر صورت یقینی بݨاوݨ دی ہدایت کریندے آکھیے جو وسط ایشیائی ملکاں توں کھاد دی متبادل فراہمی دی منصوبہ بندی کیتی ونڄے۔ وزیراعظم محمد شہباز شریف دی صدارت وچ ملک وچ غذائی تحفظ تے کھاد دے ذخیریں دی صورتحال تے اہم اجلاس تھیا جیندے وچ وفاقی وزراء رانا تنویر حسین، احد خان چیمہ، علی …
وزیراعظم دی کساناں کوں کھاد وقتی ݙیوݨ یقینی بݨاوݨ دی ہدایت
اسلام آباد۔ 12 مئی (اے پی پی) وزیراعظم محمد شہباز شریف کساناں کوں وقتی کھاد ݙیوݨ ہر صورت یقینی بݨاوݨ دی ہدایت کریندے آکھیے جو وسط ایشیائی ملکاں توں کھاد دی متبادل فراہمی دی منصوبہ بندی کیتی ونڄے۔ وزیراعظم محمد شہباز شریف دی صدارت وچ ملک وچ غذائی تحفظ تے کھاد دے ذخیریں دی صورتحال تے اہم اجلاس تھیا جیندے وچ وفاقی وزراء رانا تنویر حسین، احد خان چیمہ، علی پرویز ملک، وزیرِمملکت بلال اظہر کیانی، معاون خصوصی ہارون اختر تے اعلیٰ سرکاری حکام شریک تھئے۔وزیراعظم دفتر دے میڈیا ونگ توں جاری بیان موجب وزیراعظم آکھیا جو خلیجی ملکاں توں کھاد دی سپلائی چین متاثر تھیوݨ پاروں وسط ایشیائی ملکاں توں کھاد منڳواوݨ سانڳے متبادل منصوبہ بݨایا ونڄے۔ انہاں خریف تے ربیع دے سیزن سانڳے کھاد دے وافر ذخیرے یقینی بݨاوݨ دی ہدایت وی کیتی۔ وزیراعظم آکھیا کھاد دی مقامی پیداوار ودھاوݨ سانڳے نویں پلانٹ لاوݨ دے منصوبیں تے کم تکھے کیتا ونڄے، غذائی تحفظ سانڳے زرعی شعبے دی ضرورتاں پوریاں کرݨ حکومت دی اولین ترجیح اے۔ وزیراعظم متعلقہ وزارتاں کوں کھاد دی مصنوعی قلت تے ذخیرہ اندوزی دے خلاف سخت کارروائی دی ہدایت وی کیتی۔
