بلوچستان دی ترقی تے عوام دی فلاح ساݙی ترجیح اے، وزیراعظم شہباز شریف

اسلام آباد۔ 12 مئی (اے پی پی) وزیراعظم محمد شہباز شریف آکھیے بلوچستان دی ترقی و خوشحالی تے صوبے دے عوام دی فلاح و بہبود ساݙی اولین ترجیح اے۔انہاں اے ڳالھ بلوچستان نال تعلق رکھݨ آلے سینئر سیاستداناں دے وفد کوں آکھی جنہاں انہاں نال ملاقات کیتی۔ وزیراعظم دفتر موجب ایں وفد وچ سینیٹر میردوستین خان ڈومکی، صوبائی وزیرسردار عبدالرحمان کھیتران، رکنِ صوبائی اسمبلی سردار چنگیز مری تے میر خدا بخش مری شامل ہن۔وزیراعظم آکھیا جو بلوچستان قدرتی وسیلیں نال مالا مال اے، ساݙی بھرپور کوشش اے جو انھاں وسیلیں توں صوبے دے عوام پورا فیدہ چا سڳن۔ انہاں مزید آکھیا جو وفاقی حکومت صوبائی حکومت دے نال رل تے بلوچستان دی ترقی سانڳے کم کریندی پئی اے۔