اسلام آباد۔ 12 مئی (اے پی پی) وزیراعظم محمد شہباز شریف اسلام آباد سودھے پورے ملک وچ صوبائی حکومتاں دے نال رل تے سالڈ ویسٹ مینجمنٹ دا جدید تے پائیدار نظام متعارف کراوݨ تے کچرے توں بجلی پیدا کرݨ سانڳے جامع روڈ میپ تیار کرݨ تے ٹاسک فورس بݨاوݨ دی ہدایت کیتی اے۔ وزیراعظم دی صدارت وچ ایں حوالے نال ہک اہم اجلاس تھیا جیندے وچ وفاقی وزراء احسن اقبال، …
وزیراعظم شہباز شریف سالڈ ویسٹ توں بجلی بݨاوݨ سانڳے جامع روڈ میپ تے ٹاسک فورس بݨاوݨ دی ہدایت
اسلام آباد۔ 12 مئی (اے پی پی) وزیراعظم محمد شہباز شریف اسلام آباد سودھے پورے ملک وچ صوبائی حکومتاں دے نال رل تے سالڈ ویسٹ مینجمنٹ دا جدید تے پائیدار نظام متعارف کراوݨ تے کچرے توں بجلی پیدا کرݨ سانڳے جامع روڈ میپ تیار کرݨ تے ٹاسک فورس بݨاوݨ دی ہدایت کیتی اے۔ وزیراعظم دی صدارت وچ ایں حوالے نال ہک اہم اجلاس تھیا جیندے وچ وفاقی وزراء احسن اقبال، علی پرویز ملک، اویس لغاری، وزیراعظم دے مشیر رانا ثناء اللہ، محمد علی تے اعلیٰ افسران شریک تھئے۔وزیراعظم دفتردے میڈیا ونگ توں جاری بیان موجب وزیراعظم سالڈ ویسٹ توں توانائی بݨاوݨ سانڳے ہک جامع لائحہ عمل بݨاوݨ دی خاطر ٹاسک فورس بݨاوݨ دی ہدایت کیتی جیڑھی جدید ٹیکنالوجی تے عالمی تجربیں دی روشنی وچ اپݨی سفارشات مرتب کریسی۔ وزیراعظم ہدایت کیتی جو ایں ٹاسک فورس وچ نجی شعبے تے بین الاقوامی ماہرین کوں وی شامل کیتا ونڄے۔ وزیراعظم آکھیا جو کچرے توں توانائی پیدا کرݨ نال ٻاہرلے ملک توں منگوائے ڳئے ایندھن تے انحصار گھٹ تھیسی تے قیمتی زرمبادلہ دی بچت تھیسی، ایندے نال ماحول وچ کاربن دے اثرات وی گھٹ تھیسن۔ انہاں آکھیا جو پائیدار ترقی سانڳے ماحول دوست توانائی دے ذرائع استعمال کرݨا حکومت دی ترجیحات وچ شامل اے۔
