وزیرِتجارت نال چینی سرمایہ کاراں دے وفد دی ملاقات

اسلام آباد۔ 13 مئی (اے پی پی) وفاقی وزیر تجارت جام کمال خان نال نامور چینی کمپنی “چیلنجز فیشن” دے چیئرمین مسٹر ہوانگ دی قیادت وچ چینی سرمایہ کاراں دے ہک وفد ملاقات کیتی۔ ملاقات وچ برآمدات، صنعتی سہولت کاری تے پاکستان دے اقتصادی تعاون تے ڳالھ مہاڑ کیتی ڳئی۔وفد وفاقی وزیر کوں ݙسایا جو کمپنی پاکستان وچ مینوفیکچرنگ دی ہک ٻہوں وݙی سہولت قائم کریندی پئی اے جیندے نال 20,000 روزگار دے موقع پیدا تھیسن تے سالانہ 400 توں 500 ملین ڈالر دی برآمدات تھی سڳسن۔ وفاقی وزیر جام کمال خان چینی کمپنیاں دی دلچسپی دی تعریف کیتی تے آکھیا جو حکومت سرمایہ کاری دے ماحول کوں بہتر بݨاوݨ تے ریگولیٹری طریقے کوں سوکھا بݨاوݨ سانڳے سرگرم اے۔ انہاں آکھیا پاکستان دا سٹریٹجک محل وقوع اینکوں سرمایہ کاری سانڳے ہک بہترین جاہ بݨیندے