اسلام آباد۔ 13 مئی (اے پی پی) وفاقی وزیرخزانہ و محصولات محمد اورنگزیب آکھیے حکومت شفاف، قابلِ پیش گوئی تے سرمایہ کار دوست ماحول دے ودھارے سانڳے پرعزم اے، توانائی، معدنیات، بنیادی ڈھانچہ، ٹیکنالوجی تے ڈیجیٹل فنانس جیھے شعبیں اچ طویل المدتی سرمایہ کاری دے حصول تے خصوصی توجہ ݙیندے پئن۔ انھاں اے ڳالھ اتھاں امریکہ دے بیورو جنوبی تے وسطی ایشیائی امور دے اسسٹنٹ سیکرٹری ایس پال کپور نال …
حکومت شفاف تے سرمایہ کار دوست ماحول دے ودھارے سانڳے پرعزم اے، سینیٹر محمد اورنگزیب
اسلام آباد۔ 13 مئی (اے پی پی) وفاقی وزیرخزانہ و محصولات محمد اورنگزیب آکھیے حکومت شفاف، قابلِ پیش گوئی تے سرمایہ کار دوست ماحول دے ودھارے سانڳے پرعزم اے، توانائی، معدنیات، بنیادی ڈھانچہ، ٹیکنالوجی تے ڈیجیٹل فنانس جیھے شعبیں اچ طویل المدتی سرمایہ کاری دے حصول تے خصوصی توجہ ݙیندے پئن۔ انھاں اے ڳالھ اتھاں امریکہ دے بیورو جنوبی تے وسطی ایشیائی امور دے اسسٹنٹ سیکرٹری ایس پال کپور نال ملاقات اچ آکھی۔ ایں موقع تے پاکستان اچ امریکہ دی ناظم الامور نٹالی بیکر وی موجود ہن۔ ملاقات اچ پاکستان تے امریکہ وچال اقتصادی تعاون، سرمایہ کاری دے موقعیں، تجارتی تعلقات تے حکومت دے جاری اصلاحات دے ایجنڈے تے تفصیلی ڳالھ مہاڑ کیتی ڳئی جیندا مقصد معاشی استحکام کوں تکڑا تے ملک اچ کاروباری تے سرمایہ کاری دے ماحول کوں بہتر بݨاوݨ اے۔ فریقین ݙو طرفہ اقتصادی رابطیں کوں ٻئی وسعت ݙیوݨ تے سانجھی دلچسپی دے شعبیں اچ تعاون ودھاوݨ تے وی ڳالھ کیتی۔ وزیرِ خزانہ پاکستان تے امریکہ دے تعلقات اچ مثبت پیش رفت دی تعریف کیتی تے ایں عزم دا اظہار کیتا حکومت شفاف، قابلِ پیش گوئی تے سرمایہ کار دوست ماحول دے ودھارے سانڳے پرعزم اے۔ انھاں پاکستان دی جاری معاشی استحکام دی کوششاں، اصلاحات دے عمل اچ پیش رفت تے مالیاتی پائیداری کوں بہتر بݨاوݨ، ٹیکس نیٹ کوں وسعت ݙیوݨ، ڈیجیٹلائزیشن کوں تکھا کرݨ تے مالی شمولیت دے ودھارے سانڳے اقدامات تے روشنی پاتی۔ وزیرِ خزانہ اہم معاشی اشاریں اچ اڄوکےمثبت رجحانات دا وی ݙسایا جنھاں اچ ترسیلاتِ زر، ٻاہرلی مالیاتی آمدݨ تے بین الاقوامی کیپٹل مارکیٹاں تئیں ول رسائی شامل اے۔ انھاں ایں ڳالھ تے زور ݙتا جو حکومت توانائی، معدنیات، انفراسٹرکچر، ٹیکنالوجی تے ڈیجیٹل فنانس جیھے شعبیں اچ طویل المدتی سرمایہ کاری دے حصول تے خصوصی توجہ ݙیندی پئی اے۔ ایس پال کپور پاکستان دی جاری معاشی اصلاحات دی تعریف کریندے ایں ڳالھ تے زور ݙتا جو غیر ملکی سرمایہ کاری تے تجارتی سرگرمیاں دے ودھارے سانڳے مسابقتی تے قابلِ اعتماد کاروباری ماحول ٻہوں زیادہ اہم اے۔ انھاں پاکستان دے نال اقتصادی تعاون کوں ٻیا ودھاوݨ اچ امریکہ دی دلچسپی دا اظہار کریندے آکھیا امریکی کمپنیاں پاکستان اچ طویل المدتی سرمایہ کاری دے موقع لبھݨ اچ ٻہوں زیادہ دلچسپی رکھیندن۔ امریکہ دی ناظم الامور امریکی کمپنیاں دے نال حکومتِ پاکستان دے مسلسل رابطیں دی تعریف کیتی تے سرمایہ کار دوست کاروباری ماحول ݙیوݨ سانڳے اقدامات کوں مثبت قرار ݙتا۔
