اسلام آباد۔ 14 مئی (اے پی پی) وفاقی وزیر ریلوے محمد حنیف عباسی بلوچستان دے ضلع بارکھان دے علاقے نوشام اچ سکیورٹی فورسز دے کامیاب آپریشن تے انھاں کوں خراجِ تحسین پیش کریندے فتنہ الہندوستان دے 7 دہشت گرداں کوں ہلاک کرݨ تے بہادر جواناں دی پیشہ ورانہ صلاحیتاں تے قربانیاں دی تعریف کیتی۔ وزارتِ ریلوے توں جاری تھئے بیان اچ محمد حنیف عباسی آپریشن دے دوران جامِ شہادت نوش …
وزیر ریلوے حنیف عباسی دا نوشام اچ سکیورٹی فورسز دے کامیاب آپریشن تے خراجِ تحسین
اسلام آباد۔ 14 مئی (اے پی پی) وفاقی وزیر ریلوے محمد حنیف عباسی بلوچستان دے ضلع بارکھان دے علاقے نوشام اچ سکیورٹی فورسز دے کامیاب آپریشن تے انھاں کوں خراجِ تحسین پیش کریندے فتنہ الہندوستان دے 7 دہشت گرداں کوں ہلاک کرݨ تے بہادر جواناں دی پیشہ ورانہ صلاحیتاں تے قربانیاں دی تعریف کیتی۔ وزارتِ ریلوے توں جاری تھئے بیان اچ محمد حنیف عباسی آپریشن دے دوران جامِ شہادت نوش کرݨ آلے میجر توسیف احمد بھٹی، نائیک فدا حسین، سپاہی ذاکر حسین، سپاہی سہیل احمد تے سپاہی محمد ایاز کوں سلامِ عقیدت پیش کریندے آکھیا شہدا وطن دے دفاع کیتے لازوال قربانیاں ݙے تے قوم دا سر ماݨ نال اُچا کیتے۔ انھاں آکھیا پاکستانی قوم اپݨی بہادر افواج تے شہدا دی عظیم قربانیاں کوں کݙاہیں کائناں بھلسسی۔ وفاقی وزیرایں عزم دا اعادہ کیتا جو دہشت گردی دے ناسور دے منڈھوں خاتمے تئیں پوری قوم اپݨی سکیورٹی فورسز دے رلے کھڑی رہسی
