اسلام آباد۔ 14 مئی (اے پی پی) وفاقی وزیر ریلوے محمد حنیف عباسی پشاور دے عوام کیتے عید دے وݙے تحفے دے طور تے جدید سہولتاں نال آراستہ عوام ایکسپریس دا عید توں پہلے افتتاح کرݨ دا اعلان کیتے۔وزارتِ ریلوے توں جاری اعلامیہ موجب وفاقی وزیر آکھیے عوام ایکسپریس دا باقاعدہ افتتاح 24 مئی کوں کیتا ویسی جݙاں جو ریل گاݙی کوں مکمل اپ گریڈ کرتے عید توں پہلے مسافراں …
وزیر ریلوے محمد حنیف عباسی پشاور دے عوام کیتے جدید سہولتاں نال آراستہ “عوام ایکسپریس” دا تحفہ، عید توں پہلے افتتاح کرݨ دا اعلان
مزید خبراں
اسلام آباد۔ 14 مئی (اے پی پی) وفاقی وزیر ریلوے محمد حنیف عباسی پشاور دے عوام کیتے عید دے وݙے تحفے دے طور تے جدید سہولتاں نال آراستہ عوام ایکسپریس دا عید توں پہلے افتتاح کرݨ دا اعلان کیتے۔وزارتِ ریلوے توں جاری اعلامیہ موجب وفاقی وزیر آکھیے عوام ایکسپریس دا باقاعدہ افتتاح 24 مئی کوں کیتا ویسی جݙاں جو ریل گاݙی کوں مکمل اپ گریڈ کرتے عید توں پہلے مسافراں کیتے پیش کر ݙتا ویسی۔ انھاں آکھیا جدید ریکس نال آراستہ عوام ایکسپریس گھٹ ویلھے اچ کراچی پُڄ تے مسافراں کوں تکھا، آرام دہ تے معیاری سفری سہولتاں ݙیسی۔ محمد حنیف عباسی آکھیا جو عوام کوں معیاری، محفوظ تے آرام دہ سفری سہولتاں ݙیوݨ حکومت دا وژن اے۔ انھاں آکھیا ہر وݙے شہر توں ہک پرائم ٹرین چلائی ویسی جݙاں جو ریلوے نظام کوں جدید خطوط تے استوار کرݨ کیتے عملی اقدامات جاری ہن۔ وفاقی وزیر ریلوے ایں عزم دا اظہار کیتا جو پاکستان ریلوے اچ بہتری تے مسافراں دی سہولت حکومت دی اولین ترجیح اے تے ریلوے دے شعبے اچ اصلاحات دے ثمرات عوام تئیں پڄائے ویسن
