اسلام آباد۔14 مئی (اے پی پی) وفاقی وزیر پٹرولیم علی پرویز ملک نال قطر دے سفیر علی بن مبارک الخاطر پٹرولیم ڈویژن اچ ملاقات کیتی، جیندے اچ ایل این جی ݙیوݨ ، توانائی دے شعبے اچ تعاون تے سٹریٹجک سٹوریج دے معاملیں تے ڳالھ کیتی ڳئی۔ ملاقات دے دوران وفاقی وزیر پاکستان کوں ویلھے تے ایل این جی کارگوز ݙیوݨ تے قطر دا شکریہ ادا کریندے آکھیے جو آبنائے ہرمز …
وفاقی وزیر پٹرولیم علی پرویز ملک نال قطری سفیر دی ملاقات
مزید خبراں
اسلام آباد۔14 مئی (اے پی پی) وفاقی وزیر پٹرولیم علی پرویز ملک نال قطر دے سفیر علی بن مبارک الخاطر پٹرولیم ڈویژن اچ ملاقات کیتی، جیندے اچ ایل این جی ݙیوݨ ، توانائی دے شعبے اچ تعاون تے سٹریٹجک سٹوریج دے معاملیں تے ڳالھ کیتی ڳئی۔ ملاقات دے دوران وفاقی وزیر پاکستان کوں ویلھے تے ایل این جی کارگوز ݙیوݨ تے قطر دا شکریہ ادا کریندے آکھیے جو آبنائے ہرمز اچ رش تے گرم موسمِ اچ بجلی دی طلب اچ ودھارے پاروں پاکستان کوں درپیش چیلنجز دے دوران قطر دا تعاون ٻہوں اہم رہیا۔ انھاں آکھیے جو قطر دے نال پاکستان دے بھرپی دےتعلقات مزید تکڑے تھئن۔وفاقی وزیر پٹرولیم ݙسایا جو او قطر دے وزیر توانائی سعد شیریدہ الکعبی نال مسلسل رابطے اچ رہیے تے ایل این جی جہازاں دی آمد متعلق نیڑے رابطہ کیتا جیندے نتیجے اچ ݙو ایل این جی کارگوز کامیابی نال پاکستان پڄے۔ وفاقی وزیر ایں عزم دا اعادہ کیتا جو پاکستان بلا تعطل ایل این جی سپلائی یقینی بݨاوݨ کیتے قطر نال نیڑے تعاون جاری رکھیسے۔ انھاں آکھیے جو پاکستان دی ترجیح اے جو دوست تے بھرا ملکاں توں ضروری منظوریاں دے تحت توانائی سپلائی حاصل کیتی ونڄے تاں وج کہیں جانی یا مالی ضیان دے بغیر قومی ضرورتاں پوریاں کیتیاں ونڄ سڳن۔ انھاں آکھیے جو ملکی توانائی ضرورتاں پاروں اضافی گیس سپلائی گھنݨ کیتے وی کوششاں جاری ہن۔وفاقی وزیرآکھیے جو موجودہ علاقائی صورتحال توں اہم سبق حاصل تھئن تے وزیراعظم، فیلڈ مارشل تے نائب وزیراعظم دی قیادت اچ حکومت ہک جامع انرجی سکیورٹی پالیسی بݨیندی پئی اے تاں جو ٻاہرلے چیلنجز دے مقابلے اچ پاکستان دی توانائی صلاحیت کوں مزید مضبوط بݨایا ونڄ سڳے۔ قطری سفیر علی بن مبارک الخاطر پاکستان کیتے قطر دی غیر متزلزل حمایت دا اعادہ کریندے آکھیے جو قطر دی قیادت پاکستان دی توانائی ضرورتاں پوریاں کرݨ کیتے ہر ممکن سہولت ݙیوݨ دی ہدایت کیتی اے۔ انھاں آکھیے جو اے ݙو بھرا ملکاں دی قیادت وچال گھاٹے تعلقات دا مظہر اے۔ قطری سفیر خطے اچ امن و استحکام دے ودھارے پاکستان دی ثالثی تے تعمیری کردار دی تعریف کیتی ۔ملاقات دے چھیکڑ تے ݙوہیں فریقاں پاکستان تے قطر وچال توانائی تعاون کوں مزید ودھاوݨ تے مستقبل اچ مستحکم و قابلِ اعتماد ایل این جی تے توانائی سپلائی یقینی بݨاوݨ کیتے نیڑے رابطہ جاری رکھݨ تے اتفاق کیتا۔
